DILI, STLTIMORLESTE.com – Planu programa prioridade Fundu Dezenvolvimentu Kapital Umanu (FDCH) ba tinan nee iha area 6, hanesan enjenaria, edukasaun, agrikultura, hospitalidade, turizmu no direitu.
Haktuir Diretor Ezekutvu Fundu Dezenvolvimentu Kapital Umanu (FDCH), Julio Aparicio ba STL, Kuarta nee (22/01/2025).
“Planu prioridade FDCH mak enjenaria, edukasaun, agrikultura, hospitalidade, turizmu no direitu, maibe direitu nee ita servisu hamutuk ho Ministeriu Justisa nomos reforma justisa iha Gabinete Primeiru Ministru nian neebe lidera husi Dra Lucia Lobato, nee kada tinan ita tenke haruka nain lima nolu estudantes ba iha area direitu ba reforma justisa ninia, nee ba iha Portugal, nee kada tinan,” nia esplika.
Nia dehan, area direitu ninia nee servisu hamutuk ho Gabinete Primeiru Ministru ninia, neebe koordena husi Dra Lucia Lobato, sira servisu hamutuk depois koloka orsamentu ba ida nee seti sentus sinquenta mil kada tinan..
Iha fatn hanesan, Ministru Planeamentu no Estratejiku (MPIE), Gastão de Sousa hatete, Governu sempre tau prioridade ba area hirak neebe mak sai prioridade governu nian, tanba nee fo bolsu estudu bazeia ba area prioridade sira.
Iha parte seluk, Diretor Ezekutivu TLCE, Jose Monteiro hatete, ministeriu idak-idak sempre iha ninia planu programa prioridade sira, maibe oinsa mak tau prioridade liu ba area estudu hirak neebe mak importante.
“Hau hanoin ita nian ministeriu idak-idak sempre iha ninia planu programa prioridade sira, maibe oinsa mak tau prioridade liu ba area estudu hirak neebe mak importante, maibe ida nee kompetensia parte relevante sira,” nia afirma.
(jac)
