DILI, STLTIMORLESTE.com – Federasaun Karatedo Timor Leste (FEKATIL) sei kapasita formasaun ba treinador sira iha tinan oin, maibe depende mos ba orsamentu.
Tuir Sekretariu Jeral FEKATIL, Antonio Carlos Araujo hatete, agora daudaun karate laiha atividade no planu ba tinan oin, iha atividade eventu anual nee sempre iha.
“Ami atu halo formasaun depende ba orsamentu, karik laiha orsamentu atu halo formasaun oinsa, no tinan oin iha planu formasaun ba arbitu ho treinador ba deit iha nasional no ami tenki konvida sira husi munisipal mai hotu laos ami ba halo iha munisipal maibe sira mak mai,” dehan nia ba STL, Osindu, Surikmas , Tersa (26/11/2024).
Nia haktuir, sira nia treinador normalmente tuir kultura Japaun nian nee kuaze atus ida resin no mos treinador sertifikadu internasional foin mak nain tolu.
Nia akresenta, daudaun atleta nasional kuaze 100 resin, ba atleta nasional preparadu nee senior no junior la konsege, tanba númeru seidauk serteja.
(mar)
