DILI, STLTIMORLESTE.com – Prezidente Parlamentu Nasional (PPN), Maria Fernanda Lay hatete, atu halao revogasaun ba Konstituisaun, ida nee presiza honsensus ho lider bankada sira.
Prezidente Parlamentu Nasional, Maria Fernanda Lay hatoo kestaun nee ba jornalista sira, bainhira remata halao enkontru ho Prezidente Republika, Jose Ramos Horta iha Palasiu Prezidensial, Nicolau Lobato, Bairru Pite, Dili, Tersa (15/12/2025).
Nia dehan, Parlamentu Nasional realiza seminariu nee klaru tebes neebe iha neeba presiza iha dois tarsus, para hodi bele halo alterasaun Konstituisaun.
“Iha neeba presiza iha dois tersus para hodi bele halo alterasaun konstituisaun, mais hau nia preokupasaun mak nee iha momentu nee panelista sira koalia serake ita nia konstituisaun ladiak hotu kedas ou iha artigu balu mak halon ita konfuzaun, neebe hau hanoin nee seminariu neebe sei hetan peatbac husi matenek nain sira iha Timor liu-liu Konstitusionalista sira, ema sira neebe ho maturidade sufisiente para bele fo imput nee ba Parlamentu, laos tur tur halo deit altera ba Konstituisaun, maibe presiza iha konsensus maibe prosesu nee hau hanoin iha ona nia baze legal, neebe se kumpre ita halao iha votasaun mak iha konkorda, la konkorda iha neeba determina nee demokratiku,” dehan PPN nee.
Fernanda Lay hatutan, foin mak realiza seminariu tanba nee labele temi too iha neeba, tanba konsensus nee laos iha Parlementu Nasional deit, maibe komponente hotu husi estadu.
“Konsensus nee laos iha Parlamentu Nasional deit maibe todos dos komponente do estadu neebe laos papel parlamentu nia deit, maibe agora husu tok ba bankada oposizaun, hau hanoin ita boot sira haree iha seminariu nee sira rekuza atu tuur hamutuk ho bankada Governu atu hatoo sira nia hanoin, iha momentu nee KHUNTO, PD ho CNRT maibe PLP ho FRETILIN lakohi tuur iha neeba ida nee hatudu saida,” dehan nia.
Nia hatete, iha nia intervensaun iha momentu iha seminariu nee hatete, lider ida tenke tuur iha meza mak hatete lider para koalia se la koalia oinsa.
“Media tenke haree didiak assuntu sira nee para labele mai husu deit hau husu tok komponente hotu hotu estadu nia iha vontade kalae. Hau hanoin media mak hakerek kritika liga ho hau liga ho seminariu ida nee, neebe hau hanoin tour seminariu klaru tebes konvida ema hotu para fo sira nia hanoin maibe agora output husi seminariu nee saida hau seidauk iha relatoriu,” katak nia.
Jornalista: Emerenciana Pinto
Editora: Carme Ximenes
