KOVALIMA, STLTIMORLESTE.com – Tuir Prezidente Autoridade Munisipiu Kovalima, Miguel Armanda Cardoso katak, iha Munisipiu Kovalima husi feto no inan feto sira neebe esperiensia ona violensia fiziku ka seksual 51%.
Nia dehan, Violensia Bazeia ba Jéneru ( VBJ) sai ona hanesan assuntu ka problema saude publika. Tanba nee VBJ kontínua sai violasaun komum ba problema direitus umaus iha nasaun joven Timor Leste.
“Hau atu dehan, iha ami nia Munisípiu Kovalima 51% husi feto no inan feto neebe mak esperiensia ba Violensia fizika ka seksual ho emosional hahu kedas iha tinan 15,” hatete Prezidente Autoridade Munisipiu Kovalima, Miguel Armanda Cardoso ba STL iha Sentru Saude Tilomar, Segunda (09/12/2024).
Nia tenik, prevalensia violensia kontra feto no labarik feto sira, tuir Peskiza Demografika Saude TL 2016 nian, hatudu katak 38% husi feto sira ho idade tinan 15-49 sofre ona violensia fiziku ka seksual husi kedas bainhira sıra sei tinan 15.
Iha fatin hanesan, Reprezentante Interina UNFPA iha Timor Leste, Domingas Bernardo informa, VBJ sei aas, no hanesan assuntu saude publika, tanba nee Ministeriu Saude nia papel nee importante tebes.
Nia esplika, VBJ kontinua sai violasaun komun ba problema direitu umanus iha TL nomos iha global, prevalensia violensia kontra feto no labarik feto sira, tuir Peskiza Demografika Saúde TL tinan 2016 nian, hatudu katak 38% husi feto sira ho idade tinan 15-49 sofre ona Violensia fiziku ka seksuál husi kedas bainhira sıra sei tinan 15.
“Ohin ita nia Prezidente Munisipiu Kovalima dehan iha 51%, tanba nee mak sira iha esperiensia violensia fiziku ho seksual emosional, hau hanoin ida nee problema seriu tebes-tebes, tanba nee ita hotu-hotu kontribui para atu elemina VBJ,” nia esplika.
Nunee mos Diretora Jeral Kuidadu Saude Primária, Elisabeth Leto Mau deklara, ema hotu hatene katak VBJ sai ona hanesan assuntu ka problema saude publika.
Nia informa, iha Munisípiu Kovalima 51% husi feto no inan feto neebe mak esperiensia ba violensia fizika ka seksual ho emosional hahu kedas iha tinan 15.
(jen)
