BAUKAU, STLTIMORLESTE.com – Relasiona video neebe viral iha media sosial kona-ba feto ida tara aan, neebe akontese iha Suku Aiteas, Postu Administrativu Manatuto Vila, Munisipiu Manatuto.
Xefe Suku Aiteas Bernanda Soares Gomes haktuir, insidente refere akontese iha loron 19 Novembru 2025, pur-volta tuku 13:00 no husi tara aan refere laiha sinal, maibe mosu kanek iha vitima nia kotuk laran, tanba nee submete ona ba prosesu autopasia iha Hospital Nasional Guido Valadares, Dili, atu hatene motivu ba insidente refere.
“Tara aan duni, labarik nee agora iha ona Nasional atu halo autopsia, neebe seidauk rona rezultadu, ohin OPS telefone rezultadu seidauk loos, kayanya labarik nee la tara aan tanba mosu fali kanek no rai iha kotuk laran,” Bernanda informa ba STL liu husi telefone, Kinta (20/11/2025).
Xefe Suku nee katak, razaun lori ba autopsia, tanba vitima hetan kanek iha kotuk laran ho ran, nunee lori ba autopsia atu hatene motivu ba insidente refere.
Nia informa, sidadaun feto refere inisial M foin termina ezame nasional nia iha eskola Sekundaria Kay Rala no daudaun isin gravida hela ba fulan 4. No ba kazu nee Komando Polisia Munisipiu Manatuto liu husi Polisia Eskuadra Postu Manatuto Vila asegura ona mane ida nuudar vitima nia laen, tanba deskonfia.
OPS ohin esplika ba hau labarik mane ida fo oan ba nia nee dehan la hatene, dehan ema hakilar tara aan nee mak nia too mai realidade nia ferik oan mak tara aan, maibe nia dehan la hatene, neebe prosesu iha hela Eskuadra nia liman hein mate isin mai mak ita rezolve, mate isin agora iha hela autopsi nia laen nee mak iha sela Eskuadra, mate bian labarik fulan haat,” Bernanda informa.
Jornalista: Tomas Reis
Editora: Carme Ximenes
