DILI, STLTIMORLESTE.com – Ajensia Nasional ba Avaliasaun no Akreditasaun (ANAAA) finaliza ona akreditasaun instituisaun no programatika iha fulan Outubru, no rezultadu sei anunsia iha Fevereiru 2025.
Lia hirak nee hatoo husi Diretor Ezekutivu ANAAA, Nilton Paiva Mau ba STL iha nia knaar fatin, Sesta nee (15/11/2024).
“ANAAA,IP finaliza ona akreditasaun instituisaun no programatika iha fim do Outubru 2024. Agora daudaun ekipa tekniku ANAAA se halo prosesu moderasaun. Depois ekipa tekniku finaliza prosesu moderasaun sei aprezenta ba konselhu diretivu no relata ba ministru ensinu superior depois hetan aprovasaun sei publika iha journal republika,” nia dehan.
Nilton afirma, tanba nee rezultadu akreditasaun sei anunsia iha fulan Fevereiru 2025, nee duni tekniku sira sei halo hela servisu, Instituisaun nebe hetan akreditasaun institusional tinan ida nee mak UNITAL (terceiro ciclo akreditasaun) ETCI (terceiro ciclo akreditasaun), UCT (primeiru ciclo akreditasaun), UNDIl ( terceiro ciclo akreditasaun), ISFIT (segundo ciclo akreditasaun). IFFS (segundo ciclo akreditasaun).
Nia hatutan, programa estudu neebe hetan akreditasaun mak hanesan tuir mai nee, Public management IOB, International relations UNDIl, Informatics Management IOB, Informatics ISC, Computer Science DIT, Mathematica ISC, Political development UNPAZ, Physic ISC, Post harvesting ETCI, Agronomy ETCI, Techno Agro Forestry ETCI, Biology ISC, Portuguese ISC, Law UNPAZ, Law UNDIL, International relations UNPAZ, Mechanical engineering DIT, Mechanical engineering UNTL, Petroleum Management DIT.
(jac)
