DILI, STLTIMORLESTE.com – Forum Komunikasaunba Feto Timor Leste (Fokupers) nafatin fo asistensia ba feto no labarik vitima sira iha Timor Leste.
Lia hirak nee hatoo husi Diretora Ezekutivu Fokupers, Domingas Afonso Amaral ba STL iha nia knaar fatin Farol, Sesta (25/10/2024).
Nia hatete, sira nafatin fo asistensia ba vitima feto no labarik sira liu husi asistensia iha uma mahon sira.
“Fokupers nafatin ho ninia intervensaun sira hahu kedas iha nivel individu ita fo ita nia asistensia ba feto no labarik vitima violensia bazeia jeneru liu husi fornese uma mahon, ita iha uma mahon 4 uma mahin 3 iha Dili, uma mahon ba adultu, uma mahon ba minor, Uma Mahon Maria Tapo Governu nia no ita iha mos Uma Tranzitu Suai, aleinde nee iha uma mahon ita kontinua fo apoiu integradu hahu kedas husi toba fatin neebe mak seguru hahan neebe mak saudavel no apoiu fizikolozika sosial ba iha feto no labarik vitima sira neebe sofre ba violensia,” katak Diretora nee.
Diretora Fokupers nee hatete, apoiu ida nee mak konsiente hanesan fuan ba organizasaun nia tanba momentu nee komesa atu halo fila fali apoiu feto sira atu bele brani fila fali desizaun nomos bele rekopera fali sira nia trauma.
“Prosesu atendementu neebe halo iha uma mahon ita mos akompanha nafatin sira ba iha prosesu legal, nee ita la serbisu mesak ita serbisu hamutuk ho organizasaun sira hanesan alfela, JSMP, jus, nomos organizasaun seluk atu bele asegura sira nia prosesu legal bele lao ho diak no hetan desizaun neebe mak justu, alende nee ba labarik sira neebe mak minoridade ita kontinua fo asistensia ba sira oinsa fila fali ba eskola,” dehan nia.
Nia dehan, durante hela iha uma mahon labarik sira mos asesu ba edukasaun formal nomos imformal sira depois de prosesu re integrasaun sira mos aprosima ho madre sira ho eskola neebe mak merese duni atu fila fali atu kontinua sira nia eskola, no parte nee sira mos la serbisu mesak klaru serbisu hamutuk ho MSSI tanba sira mak nain atu implementa lei kontra violensia domestika, no MSSI mak iha kompetensia atu fo asistensia ba ema vuneravel sira liu liu vitima violensia bazeia ba jeneru.
“ Ita mos halo koperasaun diak ho estadu liu husi MSSI atu haree ba ema vuneravel sira, no iha nivel advokasia nia ita iha rede advokasia neebe forte ita involve entidade hotu organizasaun sosiedade sivil nomos parseru dezenvolvimentu sira atu suporta deit maibe organizasaun sosiedade sivil iha nee mak ho ninia papel makaas atu bele halo advokasia iha politika orsamentu no desizaun sira neebe mak ita haree valoriza ba feto no labarik nia nesesidade,” katak nia.
Nia hatutan, aleinde nee sira moss ai parseru save ba SEI hanesan makina estadu neebe atu lidera ba prosesu advokasia nia, no tinan ida nee Fokupers involve iha shering komite ba MSSI ba implementasaun planu asaun nasional nomos SOP ba iha protesaun labarik nomos jestaun kazu ba iha sobrevivente violensia bazeia ba jeneru.
Iha parte advokasia Fokupers mos hola hanesan membru interministerial ba implementasaun PAN VBJ entau fokupers rasik mak lidera pilar 2 protesaun serbisu nia no iha grupu trabalho neebe mak establese ona laos fokupers mesak, maibe iha membru grupu trabalhu neebe mai husi organizasaun sosiedade sivil parseru dezenvolvimentu sira balun nomos ho organizasaun internasional sira inklui estadu liu husi MSSI no SEI.
Nia hatutan, rede ida nee forte no iha grupu neebe forte atu kontinua halo monitorizasaun avalisaun ba Orsamentu Jeral Estadu liu-liu ba ida neebe mak aloka ba ministeriu save sira no kontinua halo advokasia ba politika no desizaun sira neebe sensivel ba feto no labarik feto nia nesesidade, no programa seluk programa da tolu nia iha programa ida naran krese hahu ho intervensaun ida oinsa atu interven labarik sira hahu ho idade kiik ho edukasaun laho violensia, atu nunee labarik sira neebe ho idade 2 molok too eskola pre primaria sira iha ona koinesementu ka iha maneira aprosimasaun ka maneira apredisajen ida neebe naun violensia.
“Ita ezije nafatin ba iha Governu liu-liu ba iha parlamentu nomos ministeriu xave sira atu aloka orsamentu natoon ba iha senseblizasaun ba mahon tanba numeru vitima sae makaas no apoiu legal ba justisa ba feto no labarik feto vitima sira,” katak nia.
Nunee mos Akademista Rofiana Amarak ahktuir tan katak presiza atu halo sosializasaun nafatin lei konaba violensia kontra feto no labarik.
“Lei iha soke sosializasaun mak menus tanba nee mak ezije nafatin ba Governu liu husi SEI hamutuk ho sosiedade sivil sira nafatin sosializa ba lei nee kontinua luta hapara violensia hasoru feto no labarik feto,” katak nia.
Nunee mos Sekretariu Estadu ba Igualdade SEI, Elvina Sousa Carvalho hatete, SEI nafatin halo nia servisu no advokasia.
“Advokasia ba parte hotu liu-liu ba iha sosiedade atu muda mentalidade neebe dala barak haree feto hanesan segundu klase, mane balun hanoin katak nia iha direitu tomak atu halo violensia hasoru feto, violensia domestika, violensial fizika, abuju seksual ba feto maluk no labarik sira, tanba nee SEI nafatin halao nia serbisu liu-liu ba iha senseblizasaun hodi hahalok no hanoin neebe mak diskriminativu no hahalok neebe halo feto sai vitima iha prosesu hotu,” hakotu nia.
(eme)
