DILI, STLTIMORLESTE.com – Fokupers realiza seminariu bazar ho tema “Hamutuk Prevene no Hapara Violensia Hasoru Feto Liu Husi Asegura Feto Nia Direitu Fundamentu Sira”.
Iha biban nee Prezidente Konselhu Kurador, Maria Domingas Fernandes Alves liu husi nia diskursu dehan, relasiona ho kampanha loron 16 ativizmu kontra violensia hasoru feto, mak Fokupers halo atividade seminariu bazar ho tema hamutuk prevene no hapara violensia hasoru feto liu husi asegura feto nia diretu fundamental sira inklui direitu ba rai no propriedade.
“Atividade nee atu oinsa hapara violensia kontra feto no labarik feto. Ita hanoin iha tempu Indonesia mak halo violensia hasoru feto no violensia seksual hasoru feto, maibe ohin loron parseru intimu mos halo violensia,” katak nia iha Farol, Tersa (03/12/2024).
Nunee mos Reprezentante Country Director Oxfam, Floren de Oliveira hatete, atividade ida husi pilar dahaat mak ohin Fokupers realiza seminariu ida nee, hodi rona prespetiva husi parte oin-oin, nunee mos realiza feira ida neebe kolabora hamutuk ho sobrevivente sira hodi empedora ekonomia feto nian.
“Agradese tebes ba parseiru Fokupers ne’ebe mak organiza ona atividade ida nee. Espera katak husi atividade ohin loron nian, ita nia panelista sira neebe iha nee bele fahe informasaun ruma ba ita, relasiona ho progressu no situasaun atual neebe ita iha, nunee mos husi feira produtu neebe mak iha bele aumenta no haforsa feto sobrevivente sira nia rendimentu ba iha produtu neebe sira iha,” katak nia.
Nia hatutan, wainhira parte hotu tau importansia no seriedade ba iha asuntu feto nia diretu ba rai, indireitamente sei kontribui.
(eme)
