DILI, STLTIMORLESTE.com – Forum Komunikasaun ba Feto Timor Leste (FOKUPERS) rejistu kazu hamutuk 230, husi numeru nee violensia fiziku mak numeru aas nafatin.
Tuir dadus neebe STL asesu husi FOKUPERS Tersa (27/01/2026) katak, FOKUPERS rejistu kazu violensia oin-oin, hahu husi fulan Janeiru-Dezembru tinan 2025, rejistu kazu hamutuk 230. Violensia fiziku mak aas hamutuk 93.
Husi total kazu 230 nee iha tipu kazu oin-oin hanesan violensia fiziku numeru aas liu hamutuk 93, violensia fiziku ba ema boot kazu 85, violensia fiziku ba menor kazu 8, abandona husi laen kazu 31, abandona husi namoradu iha kazu 15, violensia seksual ba ema boot iha kazu 20, Kazu violensia seksual hasoru labarik iha kazu 13, insestu ba adultu iha kazu 4, insestu ba labarik iha kazu 4, abuzu seksual iha 13, asediu seksual iha 7, tentativa violensia seksual 1, no violensia publiku ka laos violensia domestika agresivu hasoru labarik iha 2.
Enkuantu, kazu Violensia publiku ka laos violensia domestika, agresivu fiziku ba ema boot iha 11, krime devase 3, violensia psikolojia 6, esplorasaun seksual 4, koasaun Seksual 1, no violensia seluk iha 2.
Husi kazu hirak iha leten nee, kliente neebe mai mesak hamutuk 19, refere hosi vitima ka sobrevivente hamutuk 8, refere husi reprezentante Fokupers 3, refere hosi Familia kliente iha 32, refere husi Polisia Unidade Pessoal Vulneraveis (VPU), Komunidade Eskuadra Polisia, ho Polisia Servisu Investigasaun Kriminal (PSIK) iha 37, PRADET iha 75, Asistensia Legal ba Feto no Labarik (ALFeLa) iha 11, referal husi JSMP iha kazu 2.
No husi Ministeriu Solidariedade Sosial no Inkluzaun (MSSI) iha 20, Rede Referal sira hanesan Instituisaun defeza Militar 2, Rede feto 2, Alola Foundation 1, Asesu informasaun husi media 1, Notariadu ou Justisa 1, Kadesto Klibur Defesiente Timoroan 1, Sentru saude 1, Viziñus iha 1, Lider komunitária 1, Sentru Komunidade 1, Kedutaan Besar Republik Indonesia KBRI iha 1, Refere husi kolega iha 3, Ministeriu Publiku iha 5, Governu Terras e Propriedades iha 1 no Reprezenta Igreja iha 1.
Entretantu kazu hirak neebe iha ona polisia hamutuk 128, iha Ministeriu Publiku hamutuk 45, iha Defensor Publiku hamutuk 1, iha Tribunal hamutuk 11, Kazu trata dokumentus hamutuk 14, Rezolve tuir familia mediasaun Kazu Sivil hamutuk 4, Konsultasaun kazu iha 11, Vitima lakohi prosesa nia kazu iha 4, laiha informasaun hamutuk 0, no seidauk rejistu kazu ba Polisia, MP, DP 12.
(eme)
