DILI, STLTIMORLESTE.com – Iha tinan 2024 Forum Komunikasaunba Feto Timor Leste (Fokupers) rejistu kazu violensia bazeia ba jeneru (VBJ) hamutuk 215.
Kestaun nee hatoo husi koordenadora advokasia Fokupers, Natalia de Jesus liu husi Konferensia Imprensa neebe halao iha salaun Fokupers, Dili, Kinta (24/10/2024).
Nia hatete, esforsu barak maka Organizasaun Sosiedade Sivil hamutuk ho Governu no Ajensia Internasional sira, halo hodi luta kontra violensia hasoru Feto no Labarik Feto sira iha Nasaun Demokatiku Timor Leste, maibe iolensia hasoru Feto no Labarik Feto kontinua as.
Kordenadora nee dehan, Artigu 18 Konstituisaun garante protesaun ba labarik no Artigu 17 Igualdade hanesan moris iha familia, sosial, ekonomia no kultura. Estadu Timor-Leste ratifika Instrumentu Internasional oioin atu proteze feto no labarik no ezije estadu nia obrigasaun atu fo protesaun no hakonu direitu umanu ema hotu nian, inklui adopta dokumentu Fraternidade Umana. Lei protesaun labarik no joven iha risku neebe promulgadu no estabelse mekanismu sira atu protege no garante labarik sira nia direito tenki asegura no garante feto livre husi violensia no diskrimisaun sira.
Maibe lroblema violensia domestika, violensia bazeia ba jeneru (VBJ) neebe akontese iha Timor Leste hanesan korente ida neebe laiha nia rohan no sai nafatin problema no dilematiku tebes ba feto sira atumoris livre husi violencia. mezmuke iha Instrumentus legais barak hodi asegura feto no labarik feto sira hetan justisa ida ho dignu no oinsa mak bele prevene violensia iha nivel komunidade, família no sosiedade liu-liu atu asegura feto no labarik feto livre hosi torturasaun lakon liberdade no vida tanba deit hasoru forma violensia oin-oin.
“Violensia bazeia ba jeneru neebe rejista iha Fokupers tinan 2024 hamutuk 215 inklui kazu referal neebe mai husi ALFELA, PRADET no memebru Referal sira seluk, maibe grave liu iha fulan Outubru 2024 violensia hasoru feto no labarik feto ho idade menor neebe hetan violensia seksual, presaun psikologika, agresaun fízika hodi uza instrumentus kroat too halakon sira nia vida,” katak nia.
Nia husu ba Orgaun Judisiariu sira atu implementa Lei Kontra Violensia Domestika (LKVD) no lei sira seluk neebe relasiona ho aktu krimi ho rigorozu no aplika duni tuir normas judisial neebe iha ona, no avalia regularmente tendensia krime sira neebe julga iha tribunal no pena neebe aplika ba (kondenadu) sira.
Nunee mos Sekretariu Estadu ba Igualdade, Elvina Sousa hatete, atu prevene kazu violensia domestika oras nee dadaun Governu liu husi SEI mos esforsu makaas, maibe assuntu nee laos parte ida nia kompetensia deit, maibe presiza mos servisu hamutuk husi parte oin oin hodi bele luta kontra asaun violensia neebe feto no labarik sira hasoru.
(eme)
