DILI, STLTIMORLESTE.com – Loja Kreatif Furak daudaun nee faan foos ho presu baratu, kompara ho tinan 2024 nian.
“Husi parte loja Kreatif Furak, mai ami kona-ba nesesidade baziku liu-liu foos, iha tinan 2025 nee ho presu baratu kompara tinan 2024 nian,” hatete Asisten Loja Kreatif Furak, Yaty Zaka ba STL iha Bidau Akadirihun, Kinta nee (03/04/2025).
Kuandu nasaun esporta folin nesesidade baziku nee tun, entaun faan mos folin tun, maibe iha tinan 2023 no 2024 foos presu sae, tanba impaktu husi nasaun orijinal mos presu sae nunee faan karun, tanba sosa mos karun, maibe agora daudaun presu foos tun, tanba iha neeba mos presu hatun.
Nia informa, foos neebe faan iha loja Kreatif Furak ho marka mak hanesan, tali merah, beruang merah, Rajawali, Foho Ramelau, takeji Fuji, Mangku merah, liurai no kolombus.
Foos tali merah 20 kg ho presu $12.25 grosir nian, 25 kg ho presu US$ 15.25 Cen, fos raja wali 20 kg US$ 12.00 no 25 kg presu US$ 15.00 foos beruang merah stok laiha, iha tinan 2024 fos tali merah 20 presu US$ 14.00 foos rajawali 20 kg US$ 13.50, tanba nee tinan 2025 foos presu tun kompara ho tinan 2024 foos presu sae.
Maibe bee foti lokal hanesan gota, leste, depende ba sira nia presu neebe fo sira faan US$ 200 faan fali US$ 2.25, manu tolun sosa iha Railaku sira fo presu US$ 50 faan tutan US$ 52, mina goreng folin baratu kompara iha momentu krizi mina, nunee nia presu sae, mina 5 ltr dos ida presu US$ 27, maibe agora presu tun.
Nia informa, iha tinan 2024 konsumidores tun tanba ema ladun kompras barak, primeiru iha foos lokal kompara ho tinan-tinan antes iha tinan 2024 mak menus sosa too 20% ou 30% tun.
Maibe iha tinan 2025 konsumidores komesa sae aumenta, finanseira iha laran komesa diak entaun sosa mos barak, durante nee loja Kreatif Furak sosa foos husi nasaun India, Vietnam, Thailandia, tanba nee stok foos sufisiente, maske iha foos marka ida ka rua mak stok hotu, maibe nia iha dalan atu mai.
(joa)
