DILI, STLTIMORLESTE.com – Hakarak ka lakohi tenke fo formasaun lian português neebe mak ho seriu ba profesores sira, tanba iha Konstitusaun RDTL artigu 13 dehan, lian ofisial mak tetum no português.
Lia hirak nee hatoo husi Carles Fatima Guterres, nuudar Adjuntu Diretor Eskola hotelaria no turizmu Bekora ba STL, Tersa nee (07/01/2025).
“Difikuldade liu mak ita liga ba iha parte infraestrutura, fasilidade inklui formasaun nee rasik, nunee mos livru sira, ninia difikuldade boot neebe mak ita enfrenta mak ita tenke halakon tiha bareira, liu-liu ita nian profesores sira hotu koalia português, tanba iha Konstitusaun RDTL artigu 13 hatete katak, lian ofisial mak tetum no português mak hanesan lingua do ensinu,” nia dehan.
Nia dehan, tanba nee hakarak ka lakohi tenke halo formasaun lian português neebe mak ho seriu, no tenke garante ninia fazeadamente, ho nunee profesores hotu-hotu tenke uza lian português, hodi bele sai lingua do ensinu, ida nee importante tebes-tebes.
(jac)
