DILI, STLTIMORLESTE.com – Bankada FRETILIN iha Parlamentu Nasional (PN) kestiona ka kritika Primeiru Ministru (PM), Kay Rala Xanana Gusmão, tanba fo salariu ba asesor sira kada fulan simu rihun US$ 25.
Kritika nee hatoo husi Deputada Bankada FERTILIN, Lidia Norberta liu husi debate OJE 2025 iha faze espesialidade iha PN, Dili, Kuarta, (13/11/2024).
“Iha debate orsamentu ba Primeiru Ministru nian, maibe husi ida nee lojika ida neebe mak ita tekniku haree ba oin mak asesor balun hetan salariu kada fulan rihun US$25,” hatete Deputada Lidia.
Preokupasaun neebe FRETILIN aprezenta tuir Deputada Lidia nee laos atu reklama ba sira nia aan atu hetan, maibe tanba nee orsamentu estadu nia mak ema hotu-hotu tenki kuidadu ho ida nee.
“Preokupasaun neebe ami aprezenta nee ami hakarak hetan esklaresimentu ida neebe ami presiza atu hetan, laos dehan ami atu dezafia ho ita boot sira maibe tanba deit osan nee povu nian neebe ita presiza halo idak-idak nia responsabilidade neebe diak,” katak Deputada nee.
Entretantu Orsamentu Jeral Estadu (OJE) 2025 neebe aloka ba Gabinete Primeiru Ministru ho montante US$ 3.884.402 pasa iha espesialidade ho votu afavor 42, kontra no abstensaun 12.
(alb)
