DILI, STLTIMORLESTE.com – Bankada Frente Revolusinariu Timor Leste Independente (FRETILIN) iha Parlamentu Nasional hatoo kongratulasaun ba Tribunal neebe hasai ona desizaun hodi absolve kazu Sekretariu Jeral Partidu FRETILIN nian konaba projetu sira neebe implementa iha ZEESM (RAEOA).
Deputadu Bankada FRETILIN, José da Cruz hatoo parabens ba Tribunal Rekursu neebe absolve kazu Sekretariu Jeral Partidu FRETILIN, Mari Alkatiri nian, neebe hetan akuzasaun falsu husi ema irresponsável iha Timor Leste.
“Kazu nee ikus hatudu rezultadu, katak lia falsu ka bosok laiha Justisa nia oin, Justisa sei la kondena ema neebe mak halo loos, tanba nee hau hakarak hatoo parabens ba Tribunal”, katak Deputadu José iha Parlamentu Nasional (PN), Segunda (09/12/2024).
Nunee mos Visi Bankada CNRT, Patrocino Fernandes hatete, haree iha Media Sosial no rona Deputadu balu foti kona-ba Tribunal konsege absolve tiha kazu ida.
Hanesan Deputadu FRETILIN dehan katak ema halo akuzasaun falsu. Apresia oituan ba Tribunal tanba ate kazu nee tribunal konsege justifika no auditoria sira neebe halo nee falsu hotu.
Nia korajen, Tribunal atu hadia servisu, tanba servisu sira nee mesak falsu tenke ba tribunal tiha ona,” Apresia tanba Tribunal rasik iha korajen hodi hatete katak auditoria nee falsu”, tenik Patrocino.
Entretantu tuir informasaun neebe STL asesu, kazu neebe Tribunal Absolve nee kona-ba auditoria projetu sira iha ZEESM, no rezultadu ikus Tribunal Absolve totalmente.
(ter)
