DILI, STLTIMORLESTE.com – Membru Parlamentu Nasional (PN) liu husi Bankada Partidu FRETILIN kritika atetude membru Polisia Militar sira, neebe foin lalais nee halo agresaun fiziku hasoru kongresista Aleixo Cobra, iha kongresu extraordinariu Federasaun Futebol Timor Leste (FFTL).
“Atuasaun forsa iha kongresu extraordinariu Federasaun Futebol Timor Leste (FFTL) nee mak forsa tama iha neeba baku ema nee sala boot, karik iha dezentendimentu lo-loos nee koalia didiak ba malu nunee bele buka solusaun, atu nunee ba oin futebol Timor Leste bele lao ba oin,” hatete Deputadu Florentino Ximenes “Cinaray” ba jornalista sira, iha resintu PN, Tersa, (29/10/2024).
Nia hatutan, devia asaun agresaun fiziku sira hanesan nee labele akontese, tanba tuir lo-loos nee membru polisia sira mak iha papel neebe importante atu asegura situasaun sira hanesan nee.
“Iha ita nia konstituisaun nee hatete katak situasaun sira hanesan nee so Polisia Nasional Timor Leste (PNTL) mak bele halo seguransa, maibe membru F-FDTL sira foin lalais nee iha neeba hanesan seguransa pesoal ida, maibe se ida nia fuan la augenta ho kritika sira nee diak liu lalika ba ida duke kria situasaun neebe la diak mak ema dehan F-FDTL tomak nee sala hotu,” esplika nia.
(alb)
