DILI, STLTIMORLESTE.com – Deputadu Bankada FRETILIN, Antoninho Bianco preokupa Sekretaria Estadu Kooperativa (SEKOOP) durante nee apoiu movimentu Kooperativa barak, maibe produtividade husi Kooperativa sira seidauk kontribui produsaun iha rai laran.
“Atividade sira neebe oras nee lao nee ita uza osan Estadu nian, maibe nia produtividade la iha, tanba Kooperativa neebe uluk harii nee naran mak Kooperativa no fo kreditu deit, maibe Kooperativa iha area produtividade nee la iha,” hatete Deputadu Antoninho wainhira diskuti Orsamentu ba SEKOOP ba tinan 2025 iha PN, Kinta, (14/11/2024).
Nia hatutan, movimentu kooperativa sira durante nee labele kontribui produsaun iha rai laran, tanba Sekretaria Estadu Kooperativa ho Ministeriu Agrikultura Pikuaria Peska no Floresta durante nee lao ladun diak, hodi haree area protutivu saida mak durante sai famozu iha area Kooperativa atu bele lao ba oin.
“Hau hanoin ita tau produtu neebe surgu nee akontese iha fatin, maibe sorgu neebe atu halao nee mos produtividade la iha, signifika kontribuisaun Ministeriu Agrikultura Pikuaria Peska ho Floresta nee la iha, signifika produtividade mos la iha,” hatete Deputadu nee.
(alb)
