DILI, STLTIMORLESTE.com – Federasaun Sepak takraw Timor Leste (FSTL) realiza enkontru anual tinan 2024, ho tema “Hamutuk Populariza Sepak takraw Iha Timor Leste”.
Reprezentante Prezidente SDTL, Adão Pinto hatete, enkotru anual Sepak takraw nian foin inisiu, maske sira seidauk iha asosiasaun, maibe nuudar Konfiderasaun Desportu Timor Leste ezije nafatin hodi Federasaun foun sira bele estabelese nia ramu iha Munisipiu hotu-hotu, atu nunee atividade sira bele relata iha anualmente ba iha Asosiasaun Desportiva sira.
“konfederasaun ohin mai eziji hodi sira mos tenke espanda ba munisipiu sira hotu, konfederasaun hakarak kongratula ba iha konsepsaun Sepak takraw, maske federasaun foun sira iha inisiativa hodi bele realiza enkontru anual, frasaun lubuk ida mak hamahan aan iha Konfederasaun Desportiva, maibe seidauk konvida Sentru Desportu Timor Leste (SDTL) partisipa iha enkontru anual, iha asembleia jeral deit mos laiha, satan iha enkontru anual hanesan nee, agradese tebes sira bele realiza enkontru anual ida nee, foin ba membru four iha tinan 2021 sira foin inisia, maibe iha ona atletas,” dehan Adão ba jornalista sira, iha Sala Auditorun Timor Lodge, Dili Sesta (20/12/2024).
Iha fatin hanesan, Prezidente Federasaun Sepak takraw Timor Leste (FSTL), José Caeano Guterres hatutan, hakarak hahu ezersisiu enkontru anual hodi informa ba malu saida mak atinji iha tinan 1, tur hamutuk haree obstaklu iha neebe, saida mak sai hanesan oportunidade ba FSTL atu hakat ba oin.
Sepaktakraw nee hanesan ezersisiu ida, no Sepak takraw nee hanesan federasaun foun harii iha tinan 2019, Covid-19 mai para tiha kontinua fali iha tinan 2022.
“Los duni Federasaun foun laiha ramu sira hanesan Asosiasaun, Klubu, hanesan Federasaun neebe eziste ona iha tinan hira nia laran, importante ami hahu ezersisiu ida nee hanesan membru Konfederasaun Timor Leste, ami hasoru Prezidente enkontru atividade Sentru Desportiva Timor Leste (SDTL) nian, liu-liu relata ami nia progresu ba SDTL, tanbà sira hanesan payung ba Federasaun hotu-hotu, hanesan membru iha direitu aktualiza informasaun ba SDTL hodi akompanha,” nia sublina.
(EST 3)
