DILI, STLTIMORLESTE.com – Hahu husi semana rua loron 18 too 30 fulan Agostu tinan nee, asidente neebe Polisia Nasional Timor Leste (PNTL) rejistu hamutuk 81 no lakon vida nain 3.
Haktuir Portavos Komando PNTL, Superintendente Polísia João Belo dos Reis liu husi konferensia imprensa neebe halao iha edifisiu MI, Vila Verde, Kinta (04/09/2025).
“Total asidente rodoviaria neebe akontese durante periodu semana rua nia laran hahu iha dia 18 to 31 Agustus hamutuk 81. Husi total asidente nee rezulta vitima kanek kamaan ita rezisto hamutuk 97, kanek grave hamutuk 11 no mate ka lakon vida hamutuk naIn 3, maibe nafatin Munisipiu Dili produz asidente barak liu kompara ho munisipiu sira seluk ho total asidente hamutuk 18 durante loron 14 nia laran,” hatete nia.
Nia esplika, kona-ba dadus infrasaun tranzitu no multa neebe konsege detekta durante semana rua nia laran maka hanesan, transporte governu hamutuk 3, transporte privadu 369 no transporte publiku hamutuk 23.
Ho ninia tipu infrasaun neebe komete barak liu husi infrator sira maka hanesan laiha dokumentu hamutuk 85, la uza kapasete 85, kontra ordem autoridade 102, kontra sinais taánzitu 43 no la monta xapa matríkula hamutuk 9.
Iha fatin ketak, Motorista Sabino Lopes esplika, iha sidade Dili asidente iha fatin-fatin, tanba lori motor ou kareta laiha konsensia, durante fulan Agustus nia laran asidente iha sidade Dili nee makaas liu.
Jornalista: Jeniche da Costa
Editora: Domingas Gomes
