DILI, STLTIMORLESTE.com – Hahu husi loron 1 too 31 fulan Outubru, Sala Emerjensia Hospital Nasional Guido Valadares (HNGV) rejistu pasiente hamutuk 5.173 neebe halo tratamentu saude.
Xefe Departementu Emerjensia Hospital Nasional Guido Valadares ( HNGV), Julia Rodriques Quintao dehan, pasiente neebe mak rejistu iha Emerjensia durante fulan Outubru hahu husi loron 1 too 30 hamutuk nain 5.173.
“Pasiente neebe mak aprezenta iha sala emerjensia iha fulan Outubru loron 1 too 31 hamutuk nain 5.173, iha feto hamutuk nain 2.79 mane 2.474, husi numeru nee pasiente neebe mak baixa hamutuk nain 1.364 no alta hamutuk 2.812,” hatete Julia ba STL iha sala Emerjensia HNGV, Kuarta (06/11/2024).
Nia esplika, pasiente ho numeru 5.173 neebe mak rejistu iha sala emerjensia nee, maioria labarik kiik oan ho moras neebe mak variedade mak hanesan moras interna no pulunologia no seluk tan.
ha fatin hanesan, Familia Pasiente Luciano do Carmo esplika, pasiente barak mak baixa iha sala Emerjensia, too balu toba iha koridor leten tanba fatin espasu la diak.
“Ita haree pasiente tama iha sala Emerjensia HNGV barak tebes, tanba nee ita tenke hein pasiente too hetan tratamentu, tanba espasu iha Emerjensia la diak, ita haree pasiente balun toba iha koridor leten,” nia informa.
(jen)
