MANUFAHI, STLTIMORLESTE.com – Ema neebe iha vizaun primeiru atu estabelese fundu petroliferu mak husi eis Primeiru Ministru, Mari Alkatiri no aumenta tan husi Primeiru Ministru, Kay Rala Xanana Gusmão.
Lia hirak nee hatoo husi Eis Primeiru Ministru, Rui Maria de Aroujo bainhira partisipa lidera inter-jerasional, oinsa prepara jerasaun ba futuru Timor Leste, iha Luak, Same, Sesta (21/03/2025).
Eis Primeiru Ministru, Rui Maria de Araujo dehan, legadu neebe jerasaun tuan husik hela nee lideransa de tipu transformasional sira iha vizaun ida klaru, sira mobiliza ema hotu atu atinji vizaun nee hahu kedas libertasaun patria durante 24 anos inkui mos iha esforsu atu liberta povu iha tinan 23 nia laran, vizaun estratejika nia ezemplu balu mak Prezidente Republika temi ona relasaun ho maun boot Kay Rala Xanana Gusmão.
“Mais hau mos hakarak atu aponta vizaun estratejika ida husi ema ida ke dala barak ema lakohi koalia estabelesimentu fundu petroliferu nee vizaun estratejika ida Primeiru Ministru, Doutor Mari Mari Alkatiri ninia iha tempu neeba, tanba vizaun ida estratejiku ba solusaun fundu petroliferu nee mak agora ita konsege embora depois aumenta tan vizaun estratejika Primeiru Ministru Xanana Gusmão iha 2010 no 2011 diversifika oituan investimentu nee laos deit bons maibe iha mos ekoitis entaun lori prosesu nee mai too agora sustentabilidade finanseira laos ekonomiku, finanseira ita iha osan para gasta too agora, nee atu reforsa deit no dehan katak hau konkorda buat neebe ohin exelensia prezidente hatete katak istoria lideransa transformasional ho vizaun estratejika neebe klaru hodi mobilza ema hotu tuir,” katak Rui.
Rui dehan, nia kritika ida ba lider istorika sira nia kapasidade atu utiliza estilu de lideransa transzesional mak menus.
“Lider istorika sira nia kapasidade atu utiliza estilu de lideransa transzesional mak menus. Hau hakarak hatete transzesional nee husi lider transzesional normalmente nia laos haree deit ba vizaun maibe nia haree ba objetivu indikador dezempenhu nia ezije responsabilidade ba ema sira neebe hamutuk ho nia atu hatudu rezultadu,” katak Rui.
Nia mos halo observasaun ida katak estilu lideransa ida nee karik ladun mosu iha lider istoriku sira hotu, ate pontu dala balu fo impresaun ba sosiedade dehan lider istoriku sira rasik mak dala barak kria koruptor neebe agora barak sira rasik mak husik hela ema naok arbiru la foti medidas no deskonfia malu. Nee Rui nia hanoin halo observasaun ida honestu kona-ba kestaun ida nee.
Nia hatete, se hakarak ekonomia lao halo lo-loos entaun ita presiza tau jestores neebe diak atu bele jere osan nee orsamentu tinan ida nee 2 pontu milhões no dadus neebe aponta nee katak ezekusaun orsamentu agora diak maibe pergunta ba nia mak nee kualidade ezekusaun nee diak ona ka lae?
Nunee mos Pezidente MOTIVA, Fidelis Leite Magalhaes hatutan, sorte iha fundu minarai, no fundu minarai ajuda Timor Leste halo buat barak ona halo dezenvolvimentu esensial sira, no melhoramentu moris, esperansa moris mos aumenta no ema barak asesu ba edukasaun, indikasaun bazika sira diak.
“Maibe hau hanoin ita hakarak ambisaun boot nee, se lae fundu nee naton sufisiente mai ita atu han etu molik, maibe laos sai nasaun ida ambisaun no nasaun riku, hau nia preokupasaun nee oinsa ita sai pais riku, no haree sasukat osan neebe iha luhu laran ka ita nia ka ita hanaran sustentablidade finanseira no oinsa ita hadia no responde ba ita nia nesesidade sira, hau hanoin ita jogu mentalidade ida ita tau fundu minarai nee ses lai, fundu minarai ba kontribuisaun nasaun ba estadu bele kontinua maibe ba investimentu sira tenke iha fundu alternativu,” katak nia.
Nunee mos Prezidente Republika, Jose Ramos Hortab hatete, Timor Leste deve makaas lider nain rua Mari Alkatiri no Xanana Gusmão, tanba sira kontribui makaas ba Timor Leste.
“Hau prontu iha kualker tempu, hau konkorda duni se bele imi prepara aan didiak tanba 2028 hanesan importante tebes ami jerasaun neebe imi hotu konhese Doutor Mari, Hau, Xanana hanesan kuaze simbolu ba kotuk ba istoria no ba kontribui ba estadu nee, estadu nee deve liu liu ba ema nain rua, Mari Alkatiri no maun Xanana, hau kaer deit Mari ho Avo Nana nia pasta,” dehan PR Horta.
Timor edukadu barak los, mestradu no estudante barak estuda iha universidade neebe mak kualidade iha Indonezia, Australia no fatin seluk, diak liu halo preparasaun duke iha 2002 ladun preparasaun.
(eme)
