DILI, STLTIMORLESTE.com – Funsionariu iha Ministeriu Edukasaun (ME) hamutuk 1,393 sei tama reforma obrigatoriu iha Janeiru 2026.
Diretor Nasional Rekursu Umanu iha ME, João Amaral dehan, tuir lolos dadus nee 1,702, maibe tanba hasai sira neebe hetan ona desizaun mate no reforma husi INSS. Nee mak agora iha deit ona 1,393, nee dadus en jeral funsionariu iha ME tanba barak liu. Husi total nee maka numeru professor sira, neebe atu hetan reforma obrigatoriu iha fulan Janeiru 2026 mai.
“Ita nian rejime jeral nee oituan deit ka tuir dadus atual ita iha 52, kompara ho dadus reforma profesores, maioria ka 96% husi maioria funsionariu reforma. Tanba nee ita iha 1,393 husi rezultadu verifikasaun ikus,” katak niaba STL Kuarta nee (17/09/2025).
Nia hatutan, dadus inisiu nee 1,702 mak tama idade reforma, maibe husi rejultadu reverifikasaun 302 mak hetan ona desizaun reforma.
Jornalista: Jacinta Sequeira
Editora: Domingas Gomes
