DILI, STLTIMORLESTE.com – Sekretariu Estadu Kooperativa (SEKoop) servisu hamutuk ho Sekretariu Estadu Floresta (SEF) fo formasaun ba funsionariu nain 50, kona-ba sistema informasaun geografia no leitura mapa.
Sekrerariu Estadu Floresta, Fernandino Viera da Costa dehan, formasaun nee kona-ba sistema informasaun geografia no leitura mapamentu neebe halao ohin, tanba formasaun nee importante no formadu hamutuk nain 50 mak partisipa, nain 26 mai husi funsionariu destakadu iha munisipiu, nain 24 mai husi Diresaun Nasional Produsaun no nain 2 mai husi SEF.
“Liu husi formasaun nee ita bele indentifika ita nia potensi ekonomia, neebe hanesan iha ita nia grupu kooperativa eziste iha postu suku no aldeia, hodi bele indentifika no halo mapamentu ba iha grupu agrikula, ita nia grupu kooperativa sira neebe mak forma ona iha aldeia suku no postu hodi nunee ita bele hatene lo-loos hodi halo akompanhamentu fo formasaun ba sira bele hasae ekonomia nasaun nian liu husi familia uma laran,” hatete Sekrerariu Estadu Floresta, Fernandino ba jornalista sira iha Salaun Esperansa, Tersa nee (01/04/2025).
Nia dehan, formasaun nee mai husi Diresaun Floresta neebe envolve koordenador kooperativa mai husi munisipiu sira, espera katak formasaun loron haat nee bele fasilita sira diak liu tan hodi halao servisu iha terenu.
Iha fatin hanesan, Diretor Jeral SEKoop, Olderiku Lopes hatete, formasaun nee faze importante tebes ba formadu sira, bainhira halo produsaun ruma presiza iha mapamentu, tanba nee mapamentu nee importante ba funsionariu sira.
“Hau dehan sira sei halo estajiu ba munisipiu sira neebe destaku bele halo mapamentu no ita halo dadus neebe kooperativa produs iha mapamentu nee iha area hira, nunee atividade nee SEKoop nian, maibe koordenasaun ho Sekretariu Èstadu Floresta, tanba sira mak iha formadores neebe exelente para mai fo formasaun liu-liu kona-ba utilizasaun JPS ba iha area remotas no munisipiu hotu-hotu,” dehan nian.
(joa)
