KOVALIMA, STLTIMORLESTE.com – Primeiru Ministru (PM), Kay Rala Xanana Gusmão preokupa funu iha mediu oriente neebe fo implikasaun ba ekonomia mundial.
Funu iha mediu oriente nee entre nasaun avansadu sira, hanesan nasaun Amerika hamutuk ho Israel funu hasoru Iraun neebe kuaze harahun ona sidade balu no iha vitima no mate ba funu refere.
Husi relasaun funu nee, Primeiru Ministru Kay Rala Xanana Gusmão konsiente, mundu ohin loron prepkupa no laran susar akompanha situasaun hirak nee, tanba afeta ba ekonomia global.
“Ohin loron ita haree ba mundu laran susar tebes, funu sei la too iha nee, maibe ita nia dolar sei monu, tanba funu iha mediu oriente, buat sira nee hotu sai konfuzaun boot, dala ruma ekonomia Amerika monu ita nia dolar mos monu,” Xanana Gusmão hatoo iha ambitu vizita ofisial iha Munisipiu Kovalima hasoru malu ho estrutura Autoridade Munisipal, Postu Administrativu, Suku no komunidade intelektual sira iha Munisipiu Kovalima, koalia kona-ba preparasaun neebe realiza iha resintu Edifisiu Administrasaun Munisipal Kovalima, Kuarta (11/03/2026).
Razaun fo impaktu ba ekonomia iha Timor Leste, tanba Timor Leste rasik utiliza osan dolar, maibe funu refere sei la too iha Timor.
“Baibain ema koalia nusa mak ita laiha osan rasik, joven iha valor, kuandu iha bahasa ida katak nee mak fo valor, se ita dehan tau pataka tau escudu nia sae tun aat liu fali rupiah, tanba rupiah laiha baze solidu ida,” Katak PM Xanana.
(tom)
