DILI, STLTIMORLESTE.com – Gabinete Avaliasaun Lisensiamentu no Akreditasaun (GALA) hahu halo reverifika eskola internasional 15, neebe lokaliza iha Dili no Munisípiu.
Tuir Koordenador GALA, Antonio Tomas Maia dehan, hahu halo reverifika eskola Internasional nee iha loron Tersa semana kotuk.
“Ita hahu reverifika eskola Internasional nee iha loron Tersa semana kotuk. Ita sei halo reverifika ba eskola internasional 15 neebe ita notifika ona hodi haree sira nia progresu cumprimento ba notificação nee to iha neebe. Remonitoring nee ita halao ba eskola internasional 15 neebe lokaliza iha Dili no Munisípiu,” esplika nia ba STL, Kuarta (19/11/2025).
Tuir Koordenador nee, eskola internasional 15 neebe GALA reverifika nee mak hanesan Dili International School (Pre-School, Basic Education and Secondary Education), Tais International School (Pre-School, Basic Education and Secondary Education), St. Jude Thaddeus International School (Pre-School, Basic Education and Secondary Education), Heritage International School (Pre-School, Basic Education and Secondary Education),St. Mary’s International School (Pre-School, Basic Education and Secondary Education), St. Anthony’s International School (Pre-School and Basic Education only), International School St. Paul Methodist (Basic Education only), Pelican Grammar School (Pre-School, Basic Education and Secondary Education),Singapore International School (Basic Education only), Z & Z International School (Pre-School, Basic Education only), Maharlika International School (Pre-School, Basic Education and Secondary Education), Gracya Y Verdad (Basic Education only), QSI International School (Basic Education and Secondary Education only), Renovar no Lil active.
Iha Fatin seluk, Diretor Servisu Edukasaun Munisipiu Manatuto, Patricio da Cruz Quintao dehan, dskola internasional iha Manatuto nee balun hetan ona lisensa husi GALA no balun seidauk.
“Konaba fo lisensa ba ita nian eskola sira, nee kompetensia husi ME liu husi GALA, tanba sira mak halo kontrolu ba ita nian eskola sira,” dehan nia.
Nia afirma, hodi nunee eskola sira nee bele priense kriteria, hodi halao prosesu ensinu aprendizajen ba estudantes sira.
Nunee mos Diretor Servisu Edukasaun Munisipiu Ainaro, Patricio da Costa Magno dehan, eskola internasional iha Munisipiu Ainaro balun hetan ona lisensa husi ME, no balun mak seidauk.
Jornalista: Emerenciana Pinto
Editora: Domingas Gomes
