DILI, STLTIMORLESTE.com – Gabinete Avaliasaun Lisensiamentu no Akreditasaun (GALA) halao divulgasaun prosedimentu no kriteria lisensiamentu ba Servisu Edukasaun Munisipal (SEM) sira.
Asuntu nee hatoo husi Koordenador GALA, Antonio Tomas Maia ba STL iha nia knaar fatin Vila Verde, Tersa (14/01/2025).
“Prioridade GALA 2025 nee mak divulgasaun prosedimentu no kriteria lisensiamentu no akreditasaun implementasaun prosedimentu no kriteria lisensiamentu no akreditasaun monitorizasaun, avaliasaun eskola, dezenvolve padraun ba akreditasaun, ida nee mak ami nian planu prioridade ba tinan ida nee,” dehan nia.
Koordenador GALA nee hatutan, progresu neebe mak GALA halo ona iha 2024, halao iha Munsipiu ba SEM sira, nee mak hanesan ba inspetor eskolar no sira kompriende ona prosedimentu no kriteria sira. Rezultadu mak halao ona vistoria manual no dijital ba eskola 20 neebe aplika ba lisensiamentu operasional.
Iha fatin seluk, Diretor Servisu Edukasaun Munisipiu Likisa, Julio da Silva dehan, ME liu husi GALA mak halo divulgasaun, tanba sira mak halao lisensiamentu no akreditasaun ba eskola sira, purtantu ida nee sira nian kompetensia.
(jac)
