DILI, STLTIMORLESTE.com – Gabinete Avaliasaun Lisensiamentu no Akreditasaun (GALA) nafatin halo koordenasaun neebe diak ho diresaun nivel eskolaridade, inspesaun jeral no edukasaun munisipal sira.
Koordenador GALA, Antonio Tomas Maia hatoo kestaun nee ba STL iha nia knaar fatin Vila Verde, Kuarta nee (26/03/2025).
“GALA nian servisu mak ita bele dehan hanesan orgaun regulador sira, ninia servisu mak liu-liu iha linha koordenasaun ho inspesaun jeral edukasaun, diresaun nível eskolaridade sira, nomos diresaun munisipal sira, ida nee mak ita nian servisu koordena diak para atu bele haree eskola sira neebe mak iha,” nia esplika.
Iha fatin seluk, Diretor Edukasaun Munisipiu Ainaro, Patricio da Costa Magno dehan, nuudar Diretor Edukasaun Munisipiu Ainaro sempre iha linha koordenasaun ho diresaun sira iha Ministeriu Nasional, agora liga ba asuntu lisensiamentu ninia nee presiza koordena ho GALA.
“Hau nuudar Diretor Edukasaun Munisipiu Ainaro sempre iha linha koordenasaun ho diresaun sira iha Ministeriu Nasional, agora liga ba asuntu lisensiamentu ninia nee presiza koordena ho GALA,” dehan nia.
(jac)
