DILI, STLTIMORLESTE.com – Ministeriu Edukasaun (ME) liu husi Gabineti Avaliasaun Lisensiamentu no Akreditasaun (GALA) halo lina koordenasaun diak ho Inspesaun Jeral Edukasaun (IJE).
Lia hirak nee hatoo husi Koordenador Gabineti Avaliasaun Lisensiamentu no Akreditasaun (GALA), Antonio Tomas Maia ba STL, Kinta nee (21/11/2024).
“Servisu hamutuk hodi implementa prosedimentu hotu tuir prioridade sira liu husi atividade divulgasaun, monitorizasaun no identifikasaun, GALA iha lina koordenasaun mak servisu ho IJE, Superintendente no Inspetor eskolar, SEM no diresaun nivel eskolaridade sira hodi implementa prioridades hira mensiona,” tenik nia.
Nia hatutan, durante nee GALA halo koordenasaun ho Inspesaun Jeral Edukasaun, ninia objetivu mak halo inspesaun ba eskola sira, tanba lina koordenasaun ho diresaun sira nee importante tebes.
Iha fatin seluk, Diretor Edukasaun Munisipiu Likisa, Julio da Silva dehan, nuudar Diretor Edukasaun Munisipiu sempre iha lina koordenasaun neebe diak ho ME no GALA, tanba sira mak sei fo lisensa ba eskola sira.
Nunee mos Diretor Edukasaun Munisipiu Manatuto, Patricio da Cruz Quintao hatete, eskola sira iha Munisipiu Manatuto maioria hetan hotu ona lisensiamentu, maibe seidauk hetan akreditasaun, tanba lisensiamentu nee atu funsiona sira nian atividades, nee duni eskola katolika, privadu no eskola internasional sira nee hetan hotu ona lisensa, maibe akreditasaun nee mak seidauk.
(jac)
