DILI, STLTIMORLESTE.com – Gabinete Avaliasaun Lisensiamentu no Akreditasaun (GALA) semana oin hahu halo monitoring ba eskola internasional rua iha Munisipiu Lautem no Viqueque.
Tuir Koordenador GALA Antonio Tomas Maia hatete, monitoring ba eskola internasional iha Dili finaliza ona, no ba munisipiu sei hahu iha semana nee.
“Ita sei ba Lautem no Viqueque, depois sei kontinua ba munisipiu seluk. GALA monitorin eskola internasional iha Dili hamutuk 13, no ita manda hotu kedan notifikasaun konba rezultadu monitorin no evaluasaun atu sira halo tuir saida mak ita rekomenda atu hadia,”dehan nia ba STL, Tersa (29/04/2025).
Nia hatete, eskola internasional 13 iha kapital Dili neebe mak GALA halo ona monitorin mak hanesan, Dili International School (Pre-School, Basic Education and Secondary Education) Tais International School (Pre-School, Basic Education and Secondary Education), St. Jude Thaddeus International School (Pre-School, Basic Education and Secondary Education), Heritage International School (Pre-School, Basic Education and Secondary Education), St. Mary’s International School (Pre-School, Basic Education and Secondary Education), St. Anthony’s International School (Pre-School and Basic Education only), International School St. Paul Methodist (Basic Education only), Pelican Grammar School (Pre-School, Basic Education and Secondary Education),Singapore International School (Basic Education only), Z & Z International School (Pre-School, Basic Education only), Maharlika International School (Pre-School, Basic Education and Secondary Education),Gracya Y Verdad (Basic Education only), QSI International School (Basic Education and Secondary Education only).
Iha Fatin seluk Direitur Servisu Edukasaun Munisipiu Manatuto, Patricio da Cruz Quintao dehan, Eskola internasional iha Manatuto nee balun hetan ona lisensa husi GALA, no balun seidauk, tanba ME liu husi GALA mak iha kompetensia halo kontrolu ba eskola sira nee.
(jac)
