DILI, STLTIMORLESTE.com – Agresaun balu neebe mosu ba funsionariu EDTL iha Munisipiu Baukau, Provedor Direitu Umanu no Justisa (PDHJ) husu atu ba oin tenke garante seguransa ba ofisial sira neebe halao knaar.
“Hau nia hanoin iha aspetu ida nee Estadu liu-liu autoridade Estadu sira tenke garante seguransa ba ofisial se deit atu halao servisu, tanba servisu EDTL prestasaun ba publiku, pesoal neebe halao servisu tenke hetan garantia katak, nia iha segurasa,” dehan PDHJ, Virgilio da Silva Guterres ba jornalista sira iha Timor Plaza, Tersa (10/12/2024).
Nia hatutan, Estadu tenke halo analiza ba situasaun, dala ruma komunidade balun la satisfeitu ho assuntu ruma, lo-loos nee sira hatoo ba Governante, maibe saida mak mosu iha neeba, funsionariu babain sira husi Ministeriu sira nia todan nee tau hotu ba iha funsionariu, lamenta ho situasaun nee, husik funsionariu ida halao knaar hetan atake husi komunidade, husu atu fo garantia seguransa.
(ter)
