DILI, STLTIMORLESTE.com – Gabinete Apoiu Sosiedade Sivil (GASS) husu Cruz Vermelha Timor Leste (CVCTL) kontinua apoiu humanitaria ba grupu vulnerável ba sira neebe Governu labele halo.
Koordenador GASS, Joaquim da Costa Freitas dehan, hanesan Parseiru Dezenvolvimentu Governu neebe durante nee didika aan ba iha asistensia humanu liu-liu salva ema nia vida, no hadia kualidade moris ema vulneravel sira seim fins lukrutivu nomos konpensaun ruma, neebe eziste kuaze tinan barak ona.
“Governu nee konta mos imi CVTL no parseiru Dezenvolvimentu sira hotu, aproveita tempu ida nee husu mos ba CVTL atu priense Gep sira neebe mak governu labele halo tanba iha kontestu antes atendimentu nee nia estrutura naruk loos, iha Nasional, iha Munisipiu ba too iha Postu, too iha Suku no area rurais sira neebe dala ruma governu bele haree ema iha deit postu deit,” hatete Koordenador GASS, Joaquim ba jornalista sira iha CVTL, Sesta (15/11/2024).
Nia esplika, Governu husu ba Cruz Vermelha Timor Leste atu kontinua fo apoiu humanitaria ba sosiedade vulneravel sira nebe governu labele halo.
Governu husu ba Cruz Vermelha Timor Leste atu kontinua fo apoiu humanitaria ba sosiedade vulneravel sira neebe governu labele halo.
Nia hatutan, CVTL hanesan Parseiru Dezenvolvimentu governu nian neebe mak konsidera importante tebes, tanba durante nee halao servisu humanitarian barak neebe mak governu labele halo hanesan forma joven.
Sosiedade vulneravel sira atu bele halo rasik buat ruma neebe mak bele fo benefisiu ba nia aan no nia familia, no seluk tan inklui koko oinsa hamenus mal nutrisaun iha rai laran, liu-liu oinsa dada bee ba komunidade sira neebe mak susar asesu bee moos no seluk tan.
Governu tau nafatin konfiansa ba CVTL, tanba CVTL bele halo programa sira nee mak halo intervensaun direita ba iha komunidade.
Iha fatin hanesan, Prezidente CVTL, Madalena F. M. Hanjan C. Soares, promete sempre prontu apoiu entidades hotu neebe presiza apoiu urjensia liu-liu situasaun urjensia.
(jen)
