DILI, STLTIMORLESTE.com – Guarda Nasional Republikana (GNR) husi Portugal ho Polisiamentu Timor Leste (TL) sei hametin kooperasaun iha area polisiamentu.
Lia hirak nee hatoo husi Komandante Jeral Guarda Nasional Republikana Portugal, Rui Alberto Ribeiro ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolao Lobato, Bairo Pite, Segunda (24/03/2025).
Komandante GNR nee hatete, haksolok tebes hodi mai iha Timor Leste, durante nee GNR Portugal ho Polisiamentu TL iha ona kooperasaun, maibe ho nia viajen nee sei aumenta kooperasaun diak liu tan husi ohin no ba oin nafatin.
“Hau nia viajen mai TL oinsa mak hametin kooperasaun GNR ho Polisia Nasional Timor Leste, hanesan ita boot hatene, durante tinan 25 resin, neebe moris iha nee operasaun sinema ida iha tinan hirak ikus nee no intensaun mak atu reforsa operasaun ida nee, iha area kooperasaun sira seluk neebe bele haruka iha nee iha nivel lokal, hamutuk ho programa sira polisiamentu nian neebe avansa, no area espesífiku liu iha area Ambiental fronteira tasi nian iha nee,” dehan Komandante nee.
Nia hatete, GNR Portugal nia prezensa iha TL iha tinan barak ona no ba oin sei metin diak liu tan.
Prezidente Republika mos hatoo agradese ba prezensa Komandante GNR nian iha Timor, no oinsa mak hasae nafatin kooperasaun iha area formasaun atu rekopera, liu-liu iha area polisiamentu.
(eme)
