DILI, STLTIMORLESTE.com – Iha proposta Orsamentu Jeral Estadu (OJE) 2025 governu aloka milhaun U$S 4,6, atu konstrui merkadu foun iha Ainaro, Maliana, Loes no Manatuto hodi moderniza merkadu Baukau no Ermera.
Lia hirak nee hatoo husi Primeiru Ministru (PM), Kay Rala Xanana Gusmao, iha diskusaun proposal OJE 2025, iha Parlamentu Nasional Kuarta (06/11/2024).
“Liu husi Fundu de Infraestrutura, ho alokasaun verba de US$ 4,6
milhaun, sei konstrui merakadu foun iha Ainaro,
Maliana, Loes no Manatuto, no moderniza merkadu munisipais iha Baukau no Ermera, atu estimula kresimentu emprezarial lokal, kria empregu no melhora reziliensia ekonómika”, katak Xefe Governu, Kay Rala Xanana Gusmão.
Nia dehan, nunee mos sei investe iha sentru Nasional de Inkubasaun de Emprezas iha Dili no sei investe iha estudos de viabilidade no projetus detalhadus de engenharia ba parque industrial foun iha Likisa no sentrus Komersiais iha Manleuana no Taibesi.
Inusiativas sira nee atu bele atrai investimentus, bele estimula
atividade ekonomika no jera oportunidades de empregu.
Projetu ida nee sei akompanha ho programa nasional de estajiu atu fo esperiensia pratika ba jovens profisionais sira liu
husi sentrus de dezenvolvimentu profisional, iha nivel nasional no
munisipal, inklui mos RAEOA. Investimentus iha sentrus de formasaun no konstrusaun de instalasaun foun iha Lautém, Kovalima
no Aileu mak sei garante katak forsa de trabalhu bele hetan ona kbiit atu atende ba kresentes demandas ekonomikas nasaun nian.
(gui)
