DILI, STLTIMORLESTE.com – Parlamentu Nasional (PN) liu husi Bankada FRETILIN sujere Ministeriu Saude atu antisipa prevene virus Human Metapneumovirus (HMPV), nunee labele tama mai Timor Leste, tanba moras oras nee invade hela nasaun Xina.
“Tuir hau nia haree surtu neebe iha nee governu presiza halo jestaun ida neebe mak diak hodi halo prevensaun, tanba Covid-19 ita halo ona jestaun neebe mak diak, nunee ema mate mos menus iha ita nia rain,” hatete Deputada Bankada FRETILIN, Helena Martins ba jornalista sira, iha sala Bankada FRETILIN, Segunda (06/01/2025).
Nia hatutan, governu presiza halo jestaun ida neebe diak hodi prevene surtu nee, maibe nia preokupa ho kapasidade husi governu atu halo jestaun hodi prevene surtu nee, tanba haree ba problema neebe akontese iha setor saude governu seidauk bele rezolve.
“Maibe agora nee hau rasik sei preokupa, tanba jestaun ba aimoruk iha hospital sira mos kestionavel tiha ona, durante nee ami levante beibeik ona, maibe governu ida nee lakohi rona ami,” tenik nia.
(alb)
