DILI, STLTIMORLESTE.com – IX Governu Konstitusional neebe lidera husi Primeiru Ministru Kay Rala Xanana Gusmão fo apoiu tomak ba programa husi Prezidente Republika, kona-ba realiza Maratona Internasional, Simeira Siensia ba dezenvolvimentu no Natal do Povu.
Lia hirak nee hatoo husi Primeiru Ministru Kay Rala Xanana Gusmão ba journalista sira, bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta nee (19/03/2026) hatete, Governu fo apoiu tomak ba programa husi Prezidente Republika liga ho programa tolu neebe sei realiza iha tinan ida nee.
Iha biban nee Primeiru Ministru hatoo parabens ba Prezidente Republika Jose Ramos Horta tanba viajen ba Portugal akompanha posse Prezidente Republika Portugal lao ho diak no fila fali mai Timor leste ho diak.
“Hau fo parabens ba Prezidente tanba nia ba Lisboa nia bele fila nomos ami koalia buat balun mais importante liu mak hodiseik konsellu Ministru haree deskute konaba inisiativa tolu Prezidente Republika Jose Ramos Horta fim do ano, inisiativa ida mak Maratona Internasional 26 ida fali mak simeira siensia ba dezenvolvimentu 2026 ida fali mak Natal do Povu neebe ami koalia iha konsellu Ministru. Ami nuudar instituisaun estadu mos Governu sei fo apoiu tomak ba iha inisiativa kapaas tebes husi Prezidente Republika,” dehan Primeiru Ministru.
Primeiru Ministru hatete Hanesan mos hatoo ona ba media saida mak sei halo husi simeira siensia ba dezenvolvimentu no PR sei bolu laureadu nobel da pas mai Timor Leste.
Neebe importante tebes Laureado Nobel da pas mai Timor mai koalia konaba pas, tanba ohin loron mundu haree dadaun funu neebe akontese iha mundu.
“Fofoun mos kuandu funu ida nee barak mak koalia mais imi sei lembra Prezidente ninia deklarasaun neebe Governu mos apoiu enome de Timor Leste konaba funu neebe lao nee ho problema boot tebes, ita lahatene bainhira mak hotu,” katak PM Xanana.
Xefe Governu hatete tuir Governu nia haree programa Prezidente Republika konaba simeira siensia ba dezenvolvimentu ida nee kapaas tanba sei konvida laureadu novel da pas sira mai Timor Leste hodi fahe hanoin ba malu liga ho dame no Pas, tanba dadaun nee iha mediu Oriente neebe fo mos impkatu ou krize mundial tanba nee ho programa nee bele fahe hanoin ba malu oinsa bele hametin dame husi nasaun ida ba nasaun seluk.
(eme)
