DILI, STLTIMORLESTE.com – IX Governu Konstitusional neebe lidera husi Primeiru Ministru Kay Rala Xanana Gusmão foin lalais aprova ona lei alterasaun dividas Publikas.
Nunee iha loron kinta (29/01/2026) Primeiru Ministru Kay Rala Xanana Gusmão mai relata ona ba Prezidente Republika Jose Ramos Horta.
Bainhira remata halo enkontru semanal Primeiru Ministru Kay Rala Xanana Gusmao ba jornalista iha Palasiu Prezidensial Nicolau Lobato, bairro Pite kinta (29/01) hatete, ohin mai informa kona-ba alterasaun lei dívidas publikas neebe nunu Governu Konstitusional aprova ba Xefe Estadu Ramos Horta.
“Hau informa ba Prezidente Republika katak, Tersa ami aprova lei alterasaun ba dívidas publikas la barak, mais iha korresaun oituan iha neeba, tanba kona-ba ita nia emprestimu neebe ita halo ho rai seluk, ita halo emprestimu nee iha kedas IV-Governu, hanoin katak diak liu ita emprestimu, duke ita hasai diretamente husi fundu petroleu, tanba ho emprestimu ita temi karik, hasai neneik,” dehan Primeiru Ministru Kay Rala Xanana Gusmão.
Xefe Governu Xanana dehan TL sorte boot iha fundu petroleum tanba rai barak ukun aan kleur tebes maibe osan laiha, rai barak mos riku no riku liu TL tanba mina ho gas iha maibe iha korupsaun makaas osan atu dezenvolve rai laiha ho ida nee mak Timor Leste iha Sistema ida diak tebes neebe monta halo iha 2016 tuir Sistema nee sai premeiru iha asean tomak no 4 iha mundu kumpre Sistema nee katak dolar1 tau iha neebe, transparensia, laiha korupsaun.
Iha IX Governu mos buka kontrola nafatin, merenda eskolar iha suku sira balun sei iha 9 mil, balun sei iha 7 mill la fila mai kofre estadu nee tanba IV Governu tau grade opsaun do planu no la establese regra ida neebe fundamental katak orsamentu por programa sosa ida nee hira tau, ida nee hira tau iha neeba, no hakarak sosa ida nee hotu mais kada ida hira too 31 dezembru dolar 1 deit mak lagasta tenke fila ho ida nee mak iha hotu koresaun hodi haree no sente diak ona maibe iha 2026 espera katak sei diak liu tan gasta ho diak tanba osan povu nia.
Primeiru Ministru Kay Rala Xanana Gusmão hatutan, iha IV-Governu mos halo investimentu fundu petroleu nian no investimentu neebe Governu investe no simu lukru nee, liu Billaun sia. Ho nunee, liu husi emprestimu, nasaun bele selu neineik, maibe jurus neebe maka kiik, atu nunee
neineik, maibe jurus neebe maka kiik, atu nunee fundu petroleu iha montante diak nafatin, hodi nunee Timor-Leste bele investe nafatin.
Timor Leste nia Bayu Undang hotu ona, fundu petrolíferu mos menus, tanba nee ho esperansa katak Greater Sunrise bele mai kompleta fila-fali saida maka nasaun nee nia presiza.
Xanana dehan Agora hotu hotu hatene katak Bayu Undang hotu tiha ona, fundu petroleu mos la sae ona maibe menus, iha investimentu neebe ohin temi mos, investe menus tan ona, neebe hein katak Greater Sunrise bele mai taka tiha buat neebe Timor presiza.
Foin lalais iha konsellu Ministru IX Governu Konstitusional liu husi Reuniaun Konsellu Ministru, aprova mos Proposta Lei rua, neebe aprezenta husi Ministra Finansas, Santina Jose Rodrigues F. Viegas Cardoso, ho objetivu atu halo alterasaun dahuluk ba Lei nu. 13/2011, loron 28 fulan-Setembru, neebe estabelese Rejime Dívida Publika no atu kria Rejime Jeral ba Taxas Administrativas.
Relasiona ho proposta lei neebe halo alterasaun dahuluk ba Lei nu. 13/2011, loron 28 fulan-Setembru, Rejime Dívida Publika, diploma nee ho objetivu atu adapta enkuadramentu legal dívida publika nian ba nesesidade, atu diversifika fontes finansiamentu ba Orsamentu Jeral Estadu nian hodi hamenus.
(eme)
