DILI, STLTIMORLESTE.com – Visi Primeiru Ministru Dezenvolvimentu Rural no Abitasaun Komunitaria, Mariano Assanami Sabino hamutuk ho Konferensia Episkopal Timorense (CET) asina akordu anual, servisu alokasaun ba subvensaun neebe Governu aloka fo ba iha CET hamutuk milhaun US$ 15 neebe preve iha orsamentu Estadu.
Assanmi dehan, Estadu Timorense konsidera igreja katolika laos deit hanesan fiar ida, maibe igreja katolika hanesan mos identidade Timorense, tanba nee mak apoiu tomak ba konstrui valores prinsipiu dignidade humana.
“Igreja katolika nia papel importante tur iha Konstitusaun RDTL neebe mak iha situasaun sira difisil igreja katolika hola parte, maske nunee GAS nafatik apoiu konfisoes relijiozu sira seluk, ita fo apoiu nafatin no asina akordu ida nee ho osan montante hamutuk US$ 15 milhões neebe preve iha orsamentu 2025 nian,” dehan Assanami ba jornalista sira iha Palasiu Governu, Kinta (20/04/2025.)
Governante nee haktuir, labele haluha Amu Papa nia mensajen katak, ita nia oan sira no povu mak hanesan riku soin estadu nian, tanba nee papel igreja nian atu kuidadu atu tau matan no atu fo fortaleze instituisaun sira neebe apoiu no tau matan ba povu ida nee.
Iha fatin hanesan, Koordenador GAS, Joaquim Freitas haktuir, nia hatoo apresiasaun ba CET neebe mak koopera diak tebes, kona-ba informasaun sira neebe mak loos no diak no ajuda tebes hodi bele vizita ba obras sira nee hotu.
“Hakarak apresiasaun ba kooperasaun ida nee, CET nia intervensaun ajuda tebes IX Governu Konstitusional ba ezekusaun melhoramentu ba iha povu Timor Leste, ami mos hakarak hatoo ami nia apresiasaun ba CET neebe mak koopera diak tebes,” katak koordenador GAS nee.
Entretantu Arsebispu Metropolitanu Dili, Dom Virgilio Kardeal afirma, kada tinan CET ho Governu renova akordu annual ba servisu hamutuk, liu-liu ba alokasaun ba subvensaun neebe Governu aloka fo ba iha Konferensia Episkopal Timorense.
“Horiseik parte husi CET mai entrega tiha ona relatoriu tinan 2024 nian, ohin mai asina fila fali akordu ba iha 2025 nian, ida nee mak sai razaun ba ami, ohin mai iha nee hodi asina akordu ida nee,” katak Dom Vigilio Kardeal.
(ESTL 2)
