DILI, STLTIMORLESTE.com – Governu haruka ona lista indultu hamutuk 38 inklui Padre Richard Daschbach ba Prezidente Republika, Jose Ramos Horta, hodi hetan indultu iha 20 Maiu 2025.
Ministru Justisa Sergio Hornai hatoo lia hirak nee ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensia Republika Nikolao Lobato, Bairo Pite, Segunda (12/05/2025).
Ministru Justisa dehan, nia haruka ona lista hamutuk 38 inklui Padre Richard Daschbach ba Prezidente Republika hodi bele hetan indultu iha 20 Maiu, maibe ida nee kompetensia Prezidente Republika.
“Kona-ba komutasaun pena nomos indultu, hau hanesan Ministru hatoo ona mai iha Prezidente Republika, liu-liu husi Sua Excelência Primeiru Ministru hatoo ona mai iha Prezidente Republika no ami hatoo ona no ami sei konklui buat balun hodi hatoo mai iha Sua Excelência Prezidente Republika no Prezidente Republika sei hola desizaun, tanba ida nee kabe ba indultu nomos komutasaun de pena nee kabe ba iha kompetensia Prezidente Republika.
Ministru Justisa dehan, konforme benefisiariu sira ninia relatoriu neebe mai husi sira nia familia ou mai husi prizaun ou mai husi entidade nakait konfirma lei indultu nomos ba iha komutasaun de pena nia.
“Ita iha pur volta 38 listas neebe iha neeba podeser inklui mos padre, maibe iha 30 pur volta 38 pesoas rekursus neebe merese atu bele hetan indultu nomos komutasaun penas, maibe nee dala ida tan kompetensia Prezidente Republika ami apenas providensia deit,” katak Ministru Justisa.
Padre mos bele hetan indultu ka? hatan ba kestaun nee Ministru dehan, se nia kondenadu maibe prienxe rekejitu sira karik nia idade avansadu entaun labele halo pena de perpetua.
“Se nia prienxe rekejitu sira nia idade avansadu entaun labele halo pena de perpetua, Prezidente iha hanoin rasik kona-ba ida nee, ita fo lista sira nee hotu, Prezidente Republika ho Primeiru Ministru hanesan Xefe Governu pondera ba buat hotu-hotu neebe mai husi preokupasaun sosiedade no kada rekursu sira ninia kondisoens ka nia komportamentu sira.
(eme)
