DILI, STLTIMORLESTE.com – Primeiru Ministru (PM) Interinu, Mariano Assanami Sabino hamutuk ho Ministériu Edukasaun (ME) halo dialogu ho profesores no estudantes sira husi Eskola Sekundariu Jeral FINANTIL.
“Objetivu husi dialogu nee, primeiru ita nia konstrusaun haat nee lao daudaun hela, nee mak konstrusaun paz, konstrusaun estadu, konstrusaun nasaun no konstrusaun ba karakter, konstrusaun estadu ita hatur ona, konstrusaun ba paz ita mantein ona, maibe nee mos forma konsiénsia vontade, liu-liu jerasaun foun sira atu bele kontinua alinha aan iha konstrusaun haat nee, liu-liu konflitu sira neebe mak entre estudantes ou joven sira, tanba konflitu hotu-hotu karakter nee violensia, tanba nee kuandu violensia ona labele haree tan estudantes ida ba estudantes husi organizasaun A ka B, kuandu halo ona violensia hasoru tribunal,” afirma PM Interinu, Mariano ba jornalista sira iha ESJ FINANTIL, Kinta nee (03/07/2025).
Nia dehan, halo ona violensia hasoru Tribunal, tanba Estadu iha para atu proteje sidadaun hotu-hotu labele sai vitima, tanba violensia nee traisaun ba eroi sira, tanba hahalok violentu neebe eroi sira kontra, sira hakarak liberdade, tanba formasaun beibeik, para estudantes sira iha konsiénsia, ida nee mak importante.
“Maibe se deit mak halo krimi iha rai ida nee sei hasoru polisia no hasoru Trribunal, kuandu halo krimi ona nee krimi ona, nee duni saida mak importante liu mak iha ita nia rai nee mak lei tenke forti, laos iha problema haree fali ida nee kor A ka B, la haree ba ida nee,” nia komenta.
(jac)
