DILI, STLTIMORLESTE.com – Governu liu husi Ministeriu Saude (MS) inaugura ona konstrusaun rezidensia ba mediku sira neebe halao servisu iha Hospital Nasionál Guido Valadares (HNGV).
Nia dehan, foin daudaun nee Ministériu Saúde (MS) inaugura ona konstrusaun rezidensia mediku sira iha areador HNGV.
“Ita nia Ministériu Saúde foin lalais nee inaugura ona rezidensia mediku sira iha areador HNGV,” hatete Diretor Servisu Apoiu Diagnostiku no Terapeutiku, Vidal de Jesus Lopes ba jornalista sira iha nia knaar fatin HNGV, Segunda (30/06/2025).
Nia tenik, rezidensia ba mediku sira iha neeba antigu los ona, maibe ho esforsu Primeiru Ministru (PM) Kay Rala Xanana Gusmão nian iha momentu neeba agora halo ona inaugurasaun.
Antes nee Ministra Saúde, Élia A. A. dos Reis Amaral esplika, rezidensia ba mediku sira neeba antigu, maibe ho esforsu PM Kay Rala Xanana Gusmão nian iha momentu neeba no agora inaugura ona.
“Ami iha ona Governasaun hanesan Ministru Obras Publika no MPIE no hau rasik hodi haree direita rezidensia nee hodi halo kontrusaun, nunee ohin loron ita bele halo ona inaugurasaun,” nia informa.
Nia deklara, iha momentu neeba Embaixadora Brigada Cuba sente katak, rezidensia ba mediku sira presiza hadia, tanba nee ho montante neebe mak iha hamutuk US$ 243.717.47, no hahu iha 27 Dezembru 2023 no ohin halo inaugurasaun.
“Uma nee ita oferese ba profisionál saude sira nunee sira hela besik HNGV, liu-liu espesialista sira atu atende ba nesesidade pasiente nian,” nia afirma.
(jen)
