DILI, STLTIMORLESTE.com – IX Governu Konstitusional liu husi Ministeriu relevante sira kria ona Banku Nasional Dezenvolvimentu Timor Leste (TL).
Kestaun nee hatoo husi Ministru Planeamentu no Investimentu Estratejiku (MPIE), Gastão Sousa ba jornalista sira, bainhira remata halao enkontru ho Prezidente Republika, Jose Ramos Horta, iha Palasiu Prezidensial, Nicolau Lobatu, Bairo Pite, Dili, Kuarta (22/10/2025).
Nia hatete, nia mak husu audensia ho Prezidente Republika, tanba Governu liu husi Ministeriu tolu Ministeriu Asuntu Ekonomiku (MKAE), Ministeriu Finansas MF) no Ministeriu Planiamentu no Investimentu Estratejiku (MPIE) kria ona Banku Nasional Dezenvolvimentu iha ona faze kriasaun atu establese.
“Atan hau rasik mak husu Prezidente Republika audensia ho Prezidente Republika, tanba governu atravez Ministeriu tolu, MKAE, Ministeriu Finansas, MPIE kria ona Banku Nasional Dezenvolvimentu Timor-Leste, iha ona faze kriasaun, hein atu estabelese ninia servisu loro-loron. Maibe ami tenke prepara rekursu umanu, prepara infraestrutura hotu,” dehan governante nee.
Aleinde mee husi sira nia estudu, ekipa neebe ajuda Ministeriu tolu nee estabelese Banku nee, haree esperiensia kuaze iha mundu, ASEAN katak Brazil esperiensia diak ho nia Banku Nasional Dezenvolvimentu Ekonomiku Sosial.
“Atu hanesan Banku neebe Governu Timor-Leste hakarak atu estabelese, tanba nee ohin mai hasoru, hau mak husu audensia, mai husu audensia ajuda Prezidente Republika, tanba Prezidente Republika atu ba ASEAN iha loron 24,” dehan nia.
Membru Governu nee dehan, halao enkontru nee Ministru mak husu tanba Prezidente iha posibilidade bele hasoru mos ho Prezidente Brazil, Lula neebe sei mai iha Malazia. Entaun husu nunee Prezidente Republika bele hatoo ba Prezidente Lula oinsa Governu bele estabelese kooperasaun entre Banku Nasional Dezenvolvimentu Timor-Leste ho Banku Nasional Dezenvolvimentu Ekonomiku Sosial Brazil nian.
“Nunee kapasita ita nia rekursu umanu, maibe mos bele ajuda estabelese ita nia Banku Nasional Dezenvolvimentu Timor-Leste ba oin. Hanesan hau mos husu ba Primeiru Ministru parese sei hasoru Prezidente Lula, favor espresa hela ita nia intensaun nee ba depois orsida nivel tekniku ami sei estabelese kooperasaun, ohin mai nee propozitu mak ida nee deit,” hatete Gastao.
Entretantu nia mos hatoo ona ba Primeiru Ministru, Kay Rala Xanana Gusmao karik ba Malazia hasoru Prezidente Lula bele hatoo mos, nunee bele establese kooparasaun kona-ba harii Banku Nasional Dezenvolvimentu Ekonomiku Ssosial Brazil.
Jornalista: Emerenciana Pinto
Editora: Carme Ximenes
