DILI, STLTIMORLESTE.com – Parlamentu Nasional (PN) liu husi Bankada FRETILIN konsidera governu la iha fuan ka domin ba povu, tanba kontinua hasai populasaun sira nebee halo uma okupa rai estadu no area risku ba dezastre, maibe la prepara kondisaun ruma ba sira.
“Nee aat liu mak nee, terburuk, hau bele dehan aat liu, bele dehan la iha fuan no domin ba nia povu, tanba tinan foun ida lo-loos nee ita prepara uluk kondisaun dignu ba populasaun sira molok hasai sira,” hatete Deputada Bankada FRETILIN, Helena Martins ba jornalista sira iha sala Bankada FRETILIN, Segunda (06/01/2025).
Tanba tuir nia, fatin neebe populasaun sira hela ba nee fo duni risku ba sira, tanba nee presiza halo duni ordenamentu teritoriu, maibe la signifika populasaun hela iha neeba nee tenki gusur hanesan nee, sira laos lixu.
Maibe eviksaun neebe durante nee SEATOU halo la bazeia ba lei ruma, uza deit poder neebe iha hodi hanehan populasaun sira.
No Estadu Timor Leste tenki kaer metin mensajen husi santu padre neebe hatete katak, dezenvolvimentu iha nasaun ida tenki tau ema hanesan numeru ida.
(alb)
