DILI, STLTIMORLESTE.com – Visi Primeiru Ministru, Ministru Koodernador Assuntu Ekonomiku, Ministru Turizmu no Ambiente, Francisco Kalbudy Lay, reprezenta husi Koordenador Jeral Ministeriu Turizmu no Ambiente Gabinete Primeiru Ministru halo sensibilizasaun no lansamentu progarama pilotu suku verde iha Suku Bidau Sanatana.
Koordenador Jeral Ministeriu Turizmu no Ambiente Gabinete Primeiru Ministru, Aldos Gomes Martins hatete, objetivu prinsipal husi programa refere atu halo konsensializa komunidade sira atu iha responsabiliza ba lixu neebe mak iha, iha neebe oras nee sai hanesan isu nasional.
“Objetivu prinsipal mak atu halo asaun no prevensaun ba pilotu suku verde iha nivel nasional, maibe neste momentu husi MTA sei halo uluk pilotu ba konservatoriu no protesaun ambiente iha Munisipiu Dili foti Suku Bidau Santana sai hanesan primeiru referensia ba atividade suku pilotu nee rasik, tanba nee atividade nee ho nia sentidu katak, atu halo sensibilizasaun no desimisaun oinsa mak komunidade iha Responsabilidade, ba halo kuidade ba lixu neebe mak sai isu nasional ba iha Timor Leste Rasik,” hatete Koordenador Jeral Ministeriu Turizmu no Ambiente Gabinete Primeiru Ministru, Aldos Gomes Martins iha sede Bidau, Kuarta (19/03/25).
Nia hatete, programa refere hetan apoiu Orsamentu husi Ministeriu Turismu no Ambiente neebe mak tau iha Transferensia Publika, ho montante neebe mak kiik tebes, tanab haree mos ba Responsabilidade do estadu no Resposabilidade nasan hodi konserva Meiu Ambiente nian liuliu ba Jestaun lixu nian.
Tanba nee Ministeriu Turismu no Ambiente nafatin apela ba komunidade sira atu nafatin iha bontade hodi halo sensibilizasaun hamutuk ho komunidade sira atu kombate Soe lixu arbiru iha iha fatin publiku sira.
Iha sorin seluk Diretora Sentru Edukasuan Informasaun Ambiental (CEIA), Eliza luiza santa Pereira hateten, CEIA sei halo Esforsu hamutuk ho parseiru sira liuliu bazeai ba sira nia Peskiza no hamutuk no kompanhia sira hanesan Caltex atu transforma lixu hodi valor ekonimiku.
(EST 3)
