DILI, STLTIMORLESTE.com – IX Governu Konstitusional promete ona katak, tinan 2025 sai hanesan tinan implementasaun programa, tanba tinan 2024 née halo diagnostika atu halao transforma direta ba dezenvolvimentu nasaun.
Tuir Visi Ministru Asuntu Parlamentar (VIMAP), Adérito Hugo katak, ho komplesidade Governu tama iha tinan 2023 fulan Julhu, ho Komplesidade katak VIII Governu ultrapa situasan Covid-19, Politika neebe iha VIII Governu neebe lao mai too iha mandatu Governu, Prmeiru Ministru, Kay Rala Xanana Gusmão katak Mandatu tinan dakhuluk presiza aruma hodi halo diagnóstika ida ba governasaun anterior, atu nunee transforma konkreta ba implementasaun programa IX Governu Konstitusional.
“PM mos deklara katak, tinan 2025 nuudar tinan ba implementasaun programa governu nian, IX Governu uza tinan ida resin hodi halo diagnóstika, mos haree ba komplesidade hotu neebe Governu anterior sira husik hela, tanba nee Governu agora atu transforma programa konkretu ba dezenvolvimentu nasaun nian. Tanba nee, presiza loke fali kontaktus hodi atrai no konvense fali investor sira atu mai investe iha setor agrikultura no turizmu”, hatete VIMAP, Adérito Hugo ba STL iha PN, Dili, Tersa (07/2025).
Nia dehan, tanba nee Governu optimista katak, iha ho programa Governu nian, iha tinan 2025 nuudar anu implementasaun bele sai duni realidade. Tanba intervensaun husi PM nian iha primeiru semana husi fulan Janeiru implementasaun nee signifika katak, implementasaun née sei sai realidade.
Tuir nia, lokraik nee Ministériu Finansas sei halao reuniaun ho Ministeriu relevantes. Tanba nee setor 2 neebe importante atu tau atensaun hanesan Saúde, Edukasaun inklui Ekonomia, tanba Edukasaun ho saúde dehan gratuitu maibe seidauk implementa ho loos. Neebe presiza seriedade, nia konsistensia atu lao iha dalan kualidade.
Laos nee deit, maibe presiza haree mos ba iha setor agrikultura no infraestrutura neebe presiza hadia, i presiza atu implementasaun mos tanba nee setor sira neebe liga direta ba povu. Minsteriu sira nee hatudu ona sira nia seriedade no konsistesia atu lao iha dalan kualidade.
Maibe mos iha politika reforma Administrasaun kotinua, tanba reforma mais importante, tanba IX Governu mai ho programa desentralizasaun poder lokal, ho tranzisaun nee mak refleta ona bá implementasaun prgrama sira iha munisipiu, Autoridade, no kargu xefia sira iha Munisipiu, Postu no suku, implementasaun programa PNDS, atu haree nivel elevadu dezempenhu iha nivel Munisipiu no Postu sira no suku, hodi hakbiit saku sira ganha esperiensia ba dezenvolvimentu Suku liu husi programa PNDS nian. Atu haree dezempenhu iha Nível, Munisipiu, Postu no suku, nunee avaliasaun governu sentral nian hodi haree ba rekezitus, atu implementasaun programa desentralizasaun, lei poder bele lao.
Laos nee deit, maibe mos ba reforma lao nafatin, Komisaun Funsaun Publika kontinua nafatin ho kresimentu ba rekezitus sira ba avaliasaun ba karreira profisional iha Administrasaun publiku, iha Ministériu Administrasaun nafatin haree ba desizaun Administrativa, neebe aumenta Suku no aldeia, postu sira née kontinua lao, aumezmu tempu halo avaliasaun ba dezempenhu Autoridade Munisipiu sira iha Mandatu ida neebe mak ita haree Munisipiu neebe mak hetan oportunidade atu prienxe ona rekezitus sai Kamara Munisipiu.
Nunee mos setor Justisa neebe presiza reforma, tanba IX Governu implementa programa bolsu estudu espesial ba estudu direitu nian. Reforma Justisa neebe se kaer liu ba aumenta rekursu umanu, liu-liu aumenta bolsu estudu ba direitu nian.
(gui)
