STLTIMORLESTE.com – Konsuladu Jeral (Konjen) Timor Leste, Carolina Maria da Silva, liu husi deklarasaun iha Denpasar, Sesta-Feira (09/05/2025), agradese tanba too agora sidadaun sira neebe sai turista iha Bali hetan seguransa no bele hela ho diak.
Aleinde halo atividade turistika, agora komunidade Timor-Leste mos mai barak ba Bali hodi kontinua sira nia estudu.
“Aleinde halo turizmu, sidadaun ami nian barak mos mai hanesan estudante iha Bali, ho tulun husi Senhor Guvernador, sidadaun ami sente seguru no konfortavel durante halo sira nia atividade iha Bali,” dehan Konjen Carolina.
Susesu proteje sidadaun sira halo Konjen Timor-Leste hakarak aprende barak husi Bali kona-ba jestaun turismu.
Governu Provinsial Bali mos hetan avaliasaun pozitivu tanba konsege halo turizmu neebe bazeia ba kultura, neebe bele mantein tempu naruk hanesan destinu turistiku mundial.
“Tanba nee, Konsuladu Jeral iha Bali espesial tebes ba ami no ami hakarak aprende barak husi Bali. Hau haree mos Bali susesu tebes iha organizasaun eventu internasional sira no neebe boot liu mak G20, hau orgullu ho susesu Bali no lideransa Senhor Governador nian,” Carolina aumenta.
Hodi responde, Governador Bali, Wayan Koster, simu ho diak no konkorda atu halo relasaun Bali ho Timor-Leste iha area oioin, liu-liu turizmu bele sai forte liu tan.
Aleinde sidadaun Timor-Leste neebe barak halo atividade turistika no edukasaun iha Bali, Koster mos observa katak iha sidadaun Bali barak iha Timor-Leste.
“Entaun, hau hanoin relasaun ho Timor-Leste sei hanesan tempu uluk, maibe agora limitadu ho formalidade entre nasaun, maibe seluk hanesan. Hau espera katak relasaun ita nian bele kontinua hadiak no se iha buat ruma neebe presiza apoiu no jestaun hamutuk, ami sei apoiu,” nia aumenta.
(atr/ces)
