DILI, STLTIMORLESTE.com – Governu liu husi Ministeriu Saude (MS) sei asina MoU Ho Ospitál KPJ Healthcare Malazia, atu nunee halo transferensia pasiente balun halo tratamentu iha Ospital KPJ Healthcare Malazia.
“Ita foin halo konkordansia MoU ho Ospital KPJ Healthcare iha Malazia,” hateten Diretór Servisu Saúde Munisípiu Ermera, António de Deus Fátima ba jornalista sira iha Ministeriu Saude Kaikoli, Dili, Kuarta nee (14/05/2025).
Nia dehan, akordu entre Ministériu Saúde ho KPJ Healthcare Malazia nee tempu naruk, maibe ninia prosesu nee Ministeriu Saude (MS) mak hatene liu.
“Kona-ba trasfensia pasiente nee nakloke ba ema hotu, maibe ita sei haree pasiente nee moras saida, no pasiente nee ba halo tratamentu mais nia bele moris too tinan 5 ga lae, tanba kriteria ida husi tranfensia mak nee hotu,” nia deklara.
Iha fatin ketak, Akademista UNTL, Adérito da Silva informa, Governu deve hela Ospital Singapura, Malazia nomos Indonezia seidauk selu hotu, tanba nee atu halo transferensia pasiente ba ospital hirak nee la simu ona.
“Tanba nee sei Governu iha ona konkordansia atu asina MoU ho Ospital KPJ Healthcare iha Malazia nee importante tebes, tanba ita bele halo transferensia pasiente ba ospital ida nee, depois ita haree pasiente barak mak sei pending hela, tanba ita nia tusan sei iha,” nia afirma.
(jen)
