DILI, STLTIMORLESTE.com – Ministra Saude (MS), Elia A. A. dos Reis Amaral hatete, Governu sei selu hospital 3 iha rai liur hanesan Indonezia, Malazia no Singapura ho fazeadamente.
“Ita selu ona US$ 1 milhaun ba hospital tolu iha rai liur hanesan Malazia, Singapura no Indonezia, entaun ita sei selu tan fazeadamente, tanba ita sei haree invoice sira neebe mak tama mai kompletamente, depois ita halo pagamentu tan,” hatete Ministra Saude (MS), Elia A.A. dos Reis Amaral ba jornalista sira iha PN, Kinta (07/11/2024).
Nia deklara, antes nia asumi kargu divida nee iha ona US$ 14 milhoes, depois relatoriu neebe simu iha hospital rai liur nee hamutuk US$ 20 milhoes, maibe relatoriu nee la signifika atu los ka lae, maibe hanesan Governu ida tenke verifika fila fali relatoriu nee hafoin halo pagamentu tan,” nia esplika.
Antes nee Diretora Jeral Servisu Ospitalar iha Ministeriu Saude, Terlinda da Conceição Barros haktuir, hospital tolu neebe mak Governu seidauk selu (outstanding) hamutuk US$ 20 milhoes hanesan Singapura Indonezia no Malazia.
(jen)
