DILI, STLTIMORLESTE.com – Prezidente Republika Jose Ramos Horta hatete, Governu presiza haree politika diak hodi investe iha setor Agrikultura, nunee aumenta produsaun no hasae nutrisaun hodi redus mal nutrisaun iha rai laran.
Prezidente Republika Jose Ramos Horta hatoo lia hirak nee ba jornalista sira bainhira remata partisipa iha eventu loron mundial ai-haan iha Kantina Matak Palasiu Prezidensial Bairo Pite, Tersa (15/10/2024).
Horta hatete, atu redus mal nutrisaun iha Timor Leste, Governu tau osan boot ba setor agrikultura.
“Nee mak hau hatete beibeik, tau osan boot liu ba agrikultura, maibe tau ho matenek, la bele tau osan boot, maibe sira neebe kaer agrikultura la kaer didiak, produsaun la aumenta, diversidade la iha,” dehan Horta.
Prezidente Republika hatete, Governu presiza haree politika neebe mak diak hodi investe, maibe tenke ho matenek, se tau osan boot iha setor agrikultura maibe laiha matenek, tanba sosa atu dezenvolve.
Iha biban nee, Added Brf Sales Manajer, Gaven Low liu husi diskursu afirma, iha eventu loron hahan mundial hatutan, ohin hamutuk atu promove ai-haan neebe saudavel, nutrisaun nee importante tebes ba labarik kiik oan sira hodi ai-haan nee hasae no suporta sira nia kresimentu, nunee bele moris saudavel.
(eme)
