DILI, STLTIMORLESTE.com – Sosiedade sivil ho akademiku husu Governu atu implementa politika neebe antes nee deklara ona katak taka IP-EP tanba gasta osan boot servisu la.lao, politika nee presiza implementa, labele koalia deit.
Tuir Akademiku husi Institutu Of Busnise (IOB), hanesan mos Dosente iha IOB, Antonio Soares Martins ba jornalista, Kuarta nee (07/01/2026) husu ba IX Governu Konstitusional neebe lidera husi Primeiru Ministru, Kay Rala Xanana Gusmão implementa polítika taka Empreza Publika (EP) no Institutu Publika (IP) sira neebe la fo retornu ba iha estadu, nee estraga orsamentu jeral estadu diak liu taka tiha.
Dosente IOB, Antonio Soares Martins hatete, governu dehan atu taka EP no IP sira neebe la fo retornu ba estadu, gasta osan deit governu bele taka tiha, no haree deit ida neebe bele fo reseita ba estadu.
Nia dehan, labele sai tiha EP no IP mais nafatin garantia ba orsamentu jeral estadu tinan-tinan aloka osan boot, maibe jerente sira iha instuituisaun sira nee manan osan boot ho vensimentu boot mais rezultadu laiha.
“Hau hanoin governu labele halo deklarasaun polítika deit, diak liu implementa nunee taka tiha EP no IP sira neebe la fo retornu ba iha estadu, tanba estraga ita nia orsamentu jeral estadu, diak liu taka tiha,” dehan Dosente IOB, Antonio.
Nia reforsa, laos taka mais hadia fali ninia estatutu nee ba fali ministeriu ida, nunee bele sai hanesan diresaun ida, bele hetan osan nee nafatin, laos taka mais bele muda fali. ezemplu EDTL karik, muda fali ba iha ministeriu diresaun ida koalia kona-ba ida nee. BTL mos hanesan muda fali diresaun ida iha neeba, hanesan mos Institutu kualidade Timor-Leste nee funsaun laiha, neebe muda fali institutu ida nee ba iha diresaun ida neebe ba iha Ministeriu Komersiu Industria ka ba fali hanesan departamentu ida husi AIFAESA nian, se lae EP no IP barak mak la halo buat ida, nunka haree rezultadu, so gasta osan estadu deit.
“Neebe hau hanoin se governu halo deklarasaun, labele deklarasaun polítika deit, klaru katak EP no IP sira mosu nee tanba polítika mais presiza haree, nunee labele hanoin gasta osan deit. Hau konkorda, laos taka EP no IP bele muda nia estatutu nee ba fali diresaun ka departamentu submete ba iha ministeriu balun, nunee redus ita nia gastus nee,” nia konklui.
Jornalista: Emerenciana Pinto
