DILI, STLTIMORLESTE.com – Universidade idak-idak kada tinan prepara rekursu umanu, maibe oinsa mak graduadu idak-idak esforsu aan hetan servisu no loke servisu ba nia aan.
Asuntu nee hatoo husi Carlos Martins Gomes, hanesan graduadu husi UNPAZ ba STL, iha edifisiu ME, Segunda nee (30/12/2024).
“Too ohin loron hau mos esforsu aan hela atu buka servisu no hau mai iha ME para legaliza diploma sekundariu ninia, atu nunee hau bele tuir kursu ruma atu ba rai liur, maibe hau mos halo negosiu, tanba ida nee hanesan ita kria servisu ba ita nian aan, ita labele hein deit servisu husi instituisaun publiku no privadu, tanba loke vaga limitadu tebes,” dehan Carlos.
Iha fatin seluk, Diretor Ezekutivu TLCE, Jose Monteiro dehan, loos duni too agora graduadu barak mak seidauk hetan servisu no balu ba servisu iha rai liur, tanba iha rai laran nee menus kampu servisu, tanba ho kampu servisu neebe mak menus halo graduadu barak sai ba servisu iha rai liur.
“Los duni too agora ita nian graduadu barak mak seidauk hetan servisu no balun ba servisu iha rai liur, tanba iha rai laran nee menus kampu servisu, tanba ho kampu servisu neebe mak menus halo graduadus barak sai ba servisu iha rai liur,” nia afirma.
Nunee mos Reitor ISC, Sebastião Perreia dehan, universidade prepara deit ema, agora liga ba menus kampu servisu, nee governu mak bele loke kampu servisu ba graduadus hirak neebe hotu ona estudu iha universidade, bainhira too tinan termina ona, nee sira hahu halao graduasaun.
(jac)
