DILI, STLTIMORLESTE.com – Relasiona ho kampu servisu neebe menus, graduadus husu governu presiza kria kampu servisu iha rai laran.
Liafuan nee hatoo husi Graduadus husi UNPAZ, Mario Martins da Costa ba STL iha UNPAZ, Kinta nee (28/11/2024).
“Realidade ita menus kampu servisu, agora ita nia numeru graduadus kada tinan neebe universidade produs nee remata barak too ohin seidauk hetan servisu, tanba ita menus kampu servisu, entaun oinsa mak ita nian governu bele kria kampu servisu mai ami joven neebe foin remata ami nian estudu,” dehan nia.
Tuir Mario, se ba oin nunee hela deit, joven barak sai ba servisu ou buka moris iha ema nian rai. Nee duni oinsa mak governu loke investimentu boot ruma,l para bele fo servisu ba joven tantu feto no mane.
Iha fatin seluk, Diretor Ezekutivu TLCE, Jose Monteiro dehan, los duni too agora graduadus barak mak seidauk hetan servisu, tanba iha rai laran nee menus kampu servisu, nunee halo graduadus barak sai ba servisu iha rai liur.
(jac)
